تٷركٸستان وبلىسىنا يتالييادان ينۆەستيتسييا تارتىلادى. تٷركٸستان وبلىسىنىڭ ەكٸمٸ دارحان ساتىبالدى قازاقستانداعى يتالييانىڭ ەلشٸسٸ ماركو البەرتي باستاعان دەلەگاتسييانى قابىلداپ, كەلٸسسٶز جٷرگٸزدٸ.
تٷركٸستان ٶڭٸرٸنٸڭ بيزنەستٸ دامىتۋعا قولايلى تۇستارىن جەتكٸزگەن وبلىس باسشىسى يتالياندىق بيزنەس الپاۋىتتارىن توقىما, تٸگٸن فابريكالارىن اشۋعا شاقىردى.
وبلىستىڭ ەلەۋمەتتٸك-ەكونوميكالىق ەلەۋەتٸمەن تانىستىرعان ٶڭٸر باسشىسى يتالييامەن بايلانىستى نىعايتىپ, بٸرلەسكەن جوبالاردى جٷزەگە اسىرۋعا دايىن ەكەنٸن جەتكٸزدٸ. تاراپتار ەكٸ ەل اراسىندا دوستىق قارىم-قاتىناستار مەن سىندارلى ساياسي ديالوگ ورناعانىن, ساۋدا-ەكونوميكالىق جەنە مەدەني-گۋمانيتارلىق ٶزارا ٸس-قيمىلدىڭ دەيەكتٸ دامىپ كەلە جاتقانىن اتاپ ٶتتٸ.
«بۇل كەزدەسۋ قازاقستان-يتالييا ىنتىماقتاستىعىن دامىتۋعا جاڭا سەرپٸن بەرەتٸنٸنە سەنٸمدٸمٸن. بٷگٸندە بٸزدٸڭ وبلىس پەن يتالييا ەلٸ اراسىنداعى ەكٸجاقتى قارىم-قاتىناستاردى دامىتۋعا جاقسى مٷمكٸندٸگٸمٸز بار. قازٸرگٸ تاڭدا تاريحي تٷركٸستان ٶڭٸرٸ قايتا ٶرلەۋ دەۋٸرٸن باستان ٶتكەرٸپ جاتىر. وسىدان تٶرت جىل بۇرىن تٷركٸستان وبلىسى قۇرىلىپ, تٷركٸستان قالاسى ورتالىق بولدى. وسى از عانا ۋاقىتتا ٶڭٸردە اۋقىمدى جۇمىستار اتقارىلدى. ينۆەستيتسييا كٶلەمٸ ارتتى. ٶڭٸردە تۋريزم سالاسى ٷش باعىتتا دامىپ كەلەدٸ. يتالييامەن بٸرنەشە سالا بويىنشا ەرٸپتەستٸك ورناتۋعا مٷددەلٸمٸز. بۇل رەتتە تۋريزم, اۋىل شارۋاشىلىعى, جاڭا تەحنولوگييالاردى ەنگٸزۋ بويىنشا ينۆەستيتسييا تارتساق دەگەن وي بار. بارلىق مەسەلەنٸ تالقىلاۋعا دايىنبىز», – دەدٸ دارحان ساتىبالدى.
ٶتكەن جىلى ٶڭٸرگە تارتىلعان ينۆەستيتسييا كٶلەمٸ 60% - عا ٶسٸپ, 1,7 ملرد. اقش. دوللارىن قۇرادى. ونىڭ ٸشٸندە سىرتقى ينۆەستيتسييالار كٶلەمٸ 82% - عا ٶستٸ. جالپى, 2018 جىلدان باستاپ وبلىسقا 3,5 ملرد. اقش دوللارى كٶلەمٸندە ينۆەستيتسييا تارتىلعان. ينۆەستيتسييالىق احۋالدى ودان ەرٸ جاقسارتۋ ٷشٸن اۋقىمدى جۇمىس جٷرگٸزٸلۋدە. سونىمەن قاتار, وتىرار اۋدانىندا قۋاتى 50 مۆت, قۇنى 26 ملن. اقش دوللارى كٶلەمٸندە يتالياندىق كاپيتالدىڭ قاتىسۋىمەن ماڭىزدى ينۆەستيتسييالىق جوبا ٸسكە اسىرىلۋدا («Arm Wind» جشس). يتالياندىق ينۆەستورلار جاسىل ەكونوميكاعا دا ەرەكشە نازار اۋدارادى. اتاپ ايتقاندا, ENI كومپانيياسىنىڭ قاتىسۋىمەن ەلەۋمەتتٸك جوبا اياسىندا تٷركٸستان قالاسىنداعى مەكتەپتە كٷن ەلەكتر ستانتسيياسى ورناتىلدى.
