Túrkistan oblysynda 2500-den astam turǵyn qarjy piramidasyna aldanǵan, dep habarlaidy "Ult aqparat" Túrkistan oblysynyń politsiia departamentine silteme jasap.
Elimizdiń 5 oblysynyń birqatar turǵyndary qarjy piramidasynyń shyrmaýyna shyrmalyp, aldanǵan bolatyn.
Búginde atalǵan barlyq qylmys ister biriktirilip, Túrkistan oblysy PD TB-nyń óndirisine berilgen.
QK 217-baby 3-bóligi 2-tarmaǵy boiynsha qylmystyq is tergelýde.
Osy jaǵdaiǵa bailanysty Túrkistan oblysynyń politseileri azamattarǵa kúmándi ýádelerge senbei, barynsha qyraǵy bolý kerektigin eskertedi.
Búginde joǵarydaǵy qylmystyq is boiynsha 70-ten asa tulǵa anyqtalyp, onyń ishinde 24 adam kúdikti dep tanylǵan.
Qazirgi tańda Túrkistan oblysy boiynsha tergeý organyna 2500-ke jýyq azamat «Indigo 24» piramidasyna ilanyp, aldanyp qalǵany jóninde aryzdanǵan.
Olarǵa kelgen materialdyq shyǵyn 2,5 mlrdqa jýyq teńgeni qurady.
Qazirgi tańda qylmystyq is boiynsha tájiribeli tergeýshilermen tergeý amaldary júrgizilýde.
«Sondyqtan Túrkistan oblysynyń turǵyndaryna eskertemiz. Eger siz «Indigo 24» qarjy piramidasynyń qurbany bolsańyz, mindetti túrde Jetisai aýdany Asyqata kentiniń politsiia bólimshesine kelińiz. Ne bolmasa «102» jedel jelisi arqyly habarlasyńyz» dep eskerteli politsiia.
