Taldyqorǵan qalasynda júzýden Qazaqstannyń qysqy chempionaty ótti.
«Bul synda Túrkistan oblysynyń sportshylary 8 altyn, 6 kúmis jáne 5 qola medalǵa qol jetkizip, jeńip alǵan júldeler boiynsha ózderiniń rekordtaryn jańartty. Ásirese áielder arasyndaǵy 4 X 100 metrge keshendik júzý estafetasyndaǵy túrkistandyqtardyń jeńisi aitýly oqiǵa boldy. Komanda quramynda Daria Toqtobaeva, Adelaida Pchelintseva, Sofia Spodarenko jáne Milana Boldyreva boldy», dep habarlaidy Túrkistan oblysy ákimdiginiń baspasóz qyzmeti.
Jekelei syndarǵa kelsek, Adelaida Pchelintseva 3 altyn, 1 qola júldege qol jetkizdi. Ol 50 jáne 100 metrge brass ádisi boiynsha júzýden eshkimge des bermedi. Al Sofia Spodarenko batterfliai jáne erkin stilde chempion atandy. Kúmis pen qolany da enshiledi. Milana Boldyreva 1 altyn, 1 kúmis jáne 1 qola júlde jeńip alsa, Daria Toqtobaeva osy synda 5 medal oljalap, Qazaqstan Respýblikasynyń sport sheberi normativin oryndady. Taǵy bir daryndy sportshy Áljan Saǵadieva kúmis júldege ie boldy.
Jeltoqsan aiynda Avstraliiada júzý boiynsha álem chempionaty ótedi. Qazaqstan quramasynyń sapynda Islam oiyndarynyń jeńimpazy Adelaida Pchelintseva júldelerge talasady.
«Túrkistan oblysynyń sportshylary aǵa bapker J.Shaldarbekovtyń, Qazaqstannyń eńbegi sińgen jattyqtyrýshysy A.Smoleevtyń, elimizdiń ulttyq quramasynyń jattyqtyrýshylary I.Gýsakov pen S.Osinskiidyń basshylyǵymen sheberlikterin shyńdady» delingen baspasóz habarlamasynda.
