تالدىقورعان قالاسىندا جٷزۋدەن قازاقستاننىڭ قىسقى چەمپيوناتى ٶتتٸ.
«بۇل سىندا تٷركٸستان وبلىسىنىڭ سپورتشىلارى 8 التىن, 6 كٷمٸس جەنە 5 قولا مەدالعا قول جەتكٸزٸپ, جەڭٸپ العان جٷلدەلەر بويىنشا ٶزدەرٸنٸڭ رەكوردتارىن جاڭارتتى. ەسٸرەسە ەيەلدەر اراسىنداعى 4 X 100 مەترگە كەشەندٸك جٷزۋ ەستافەتاسىنداعى تٷركٸستاندىقتاردىڭ جەڭٸسٸ ايتۋلى وقيعا بولدى. كوماندا قۇرامىندا داريا توقتوباەۆا, ادەلايدا پچەلينتسەۆا, سوفيا سپودارەنكو جەنە ميلانا بولدىرەۆا بولدى», دەپ حابارلايدى تٷركٸستان وبلىسى ەكٸمدٸگٸنٸڭ باسپاسٶز قىزمەتٸ.
جەكەلەي سىندارعا كەلسەك, ادەلايدا پچەلينتسەۆا 3 التىن, 1 قولا جٷلدەگە قول جەتكٸزدٸ. ول 50 جەنە 100 مەترگە براسس ەدٸسٸ بويىنشا جٷزۋدەن ەشكٸمگە دەس بەرمەدٸ. ال سوفيا سپودارەنكو باتتەرفلياي جەنە ەركٸن ستيلدە چەمپيون اتاندى. كٷمٸس پەن قولانى دا ەنشٸلەدٸ. ميلانا بولدىرەۆا 1 التىن, 1 كٷمٸس جەنە 1 قولا جٷلدە جەڭٸپ السا, داريا توقتوباەۆا وسى سىندا 5 مەدال ولجالاپ, قازاقستان رەسپۋبليكاسىنىڭ سپورت شەبەرٸ نورماتيۆٸن ورىندادى. تاعى بٸر دارىندى سپورتشى ەلجان ساعاديەۆا كٷمٸس جٷلدەگە يە بولدى.
جەلتوقسان ايىندا اۆسترالييادا جٷزۋ بويىنشا ەلەم چەمپيوناتى ٶتەدٸ. قازاقستان قۇراماسىنىڭ ساپىندا يسلام ويىندارىنىڭ جەڭٸمپازى ادەلايدا پچەلينتسەۆا جٷلدەلەرگە تالاسادى.
«تٷركٸستان وبلىسىنىڭ سپورتشىلارى اعا باپكەر ج.شالداربەكوۆتىڭ, قازاقستاننىڭ ەڭبەگٸ سٸڭگەن جاتتىقتىرۋشىسى ا.سمولەەۆتىڭ, ەلٸمٸزدٸڭ ۇلتتىق قۇراماسىنىڭ جاتتىقتىرۋشىلارى ي.گۋساكوۆ پەن س.وسينسكييدىڭ باسشىلىعىمەن شەبەرلٸكتەرٸن شىڭدادى» دەلٸنگەن باسپاسٶز حابارلاماسىندا.
