Túrkistandy qazirgi deńgeige jetkizgeni úshin Elbasy eńbegin qalai baǵalasa da jarasady. Májilis depýtaty Darhan Myńbai Túrkistanda Elbasy Nursultan Nazarbaevqa eskertkish ornatýǵa qatysty osyndai pikir bildirdi, dep habarlaidy QazAqparat.
«Jalpy, túrki álemi úshin ortaq jobalar bar. Jaqynda «Túrkistan – Túrki áleminiń rýhani astanasy: integratsiia jáne yntymaqtastyq perspektivalary» atty halyqaralyq konferentsiiaǵa qatystyq. Meniń oiymsha, qazirgi kezde túrli ekonomikalyq bailanystar artyp jatqan kezde, Túrkistannyń búkil túrki jurtynyń qara shańyraǵy mártebesi turǵysynda osy jerdiń jańa dáýirin bastaýǵa múmkindik berip otyrǵan Elbasynyń tarihi sheshimi myńyzdy dep oilaimyn. Ony eshkim de joqqa shyǵara almaidy. Sondyqtan Túrkistandy jańa dáýirge bastaǵan, soǵan múmkindik jasaǵan, barsha túrki memleketteriniń basshylaryn ilandyrǵan Elbasynyń eńbegi óte orasan. Buǵan deiin Qazaqstannyń Tuńǵysh Prezidenti bul sheshimdi burynnan oiynda júrgenin de aitqan bolatyn», - dedi D. Myńbai.
Depýtattyń paiymynsha, Túrkistan uǵymy qazaq úshin ári túrki álemi úshin oblys ortalyǵy nemese qala deńgeiinen de aýqymdy.
«Atap aitqanda, iske asyrylyp jatqan sharýalardyń barlyǵyna túrtki bolǵan, soǵan serpin berip, múmkindik jasaǵan Tuńǵysh Prezident Nursultan Nazarbaevqa halyqtyń marapaty ári yqylasynan týyp, eskertkish qoisa, sondai-aq Túrkistandy osyndai deńgeige jetkizgeni úshin eńbegin qalai baǵalasa da jarasady dep oilaimyn», - dedi Darhan Myńbai.
Onyń sózine qaraǵanda, Túrkistan búkil túrki jurtynyń rýhani qatynastaryn, qara shańyraǵyn saqtap qalǵan.
«Iaǵni, bul turǵyda rýhani bailanystaryn, rýhani tereń tamyrlaryn saqtap qalǵan osy jer. Muny barsha túrki álemi moiyndap otyr. Túrkistannyń tutas tarihy tek birlikke qyzmet etken. Túrkistan bizdiń jańa dúnietanymymyzdyń baspaldaǵy bolady. Qazir yqpaldasý dáýiri ekenin eskersek, túrki elderi osy protsesten tys qala almaidy. Sondyqtan osy jer yqpaldasýdyń, bir múdde tanytýdyń, birlikke qadam basýdyń mańyzdy bastaýy bolady dep oilamyn. Túrkistannyń jańa dáýiri tarihty da, búginimizdi de, bolashaǵymyzdy da sabaqtastyryp turady», - dedi Darhan Myńbai.
Aita keteiik, TÚRIKSOI-dyń Bas hatshysy Bilal Chakydji «Túrkistan – Túrki áleminiń rýhani astanasy: áriptestiktiń integratsiiasy men keleshegi» atty halyqaralyq onlain-konferentsiiada Túrkistanda Elbasyna eskertkish ornatý kerektigin aitqan edi.
