تٷركٸستاندى قازٸرگٸ دەڭگەيگە جەتكٸزگەنٸ ٷشٸن ەلباسى ەڭبەگٸن قالاي باعالاسا دا جاراسادى. مەجٸلٸس دەپۋتاتى دارحان مىڭباي تٷركٸستاندا ەلباسى نۇرسۇلتان نازارباەۆقا ەسكەرتكٸش ورناتۋعا قاتىستى وسىنداي پٸكٸر بٸلدٸردٸ, دەپ حابارلايدى قازاقپارات.
«جالپى, تٷركٸ ەلەمٸ ٷشٸن ورتاق جوبالار بار. جاقىندا «تٷركٸستان – تٷركٸ ەلەمٸنٸڭ رۋحاني استاناسى: ينتەگراتسييا جەنە ىنتىماقتاستىق پەرسپەكتيۆالارى» اتتى حالىقارالىق كونفەرەنتسيياعا قاتىستىق. مەنٸڭ ويىمشا, قازٸرگٸ كەزدە تٷرلٸ ەكونوميكالىق بايلانىستار ارتىپ جاتقان كەزدە, تٷركٸستاننىڭ بٷكٸل تٷركٸ جۇرتىنىڭ قارا شاڭىراعى مەرتەبەسٸ تۇرعىسىندا وسى جەردٸڭ جاڭا دەۋٸرٸن باستاۋعا مٷمكٸندٸك بەرٸپ وتىرعان ەلباسىنىڭ تاريحي شەشٸمٸ مىڭىزدى دەپ ويلايمىن. ونى ەشكٸم دە جوققا شىعارا المايدى. سوندىقتان تٷركٸستاندى جاڭا دەۋٸرگە باستاعان, سوعان مٷمكٸندٸك جاساعان, بارشا تٷركٸ مەملەكەتتەرٸنٸڭ باسشىلارىن يلاندىرعان ەلباسىنىڭ ەڭبەگٸ ٶتە وراسان. بۇعان دەيٸن قازاقستاننىڭ تۇڭعىش پرەزيدەنتٸ بۇل شەشٸمدٸ بۇرىننان ويىندا جٷرگەنٸن دە ايتقان بولاتىن», - دەدٸ د. مىڭباي.
دەپۋتاتتىڭ پايىمىنشا, تٷركٸستان ۇعىمى قازاق ٷشٸن ەرٸ تٷركٸ ەلەمٸ ٷشٸن وبلىس ورتالىعى نەمەسە قالا دەڭگەيٸنەن دە اۋقىمدى.
«اتاپ ايتقاندا, ٸسكە اسىرىلىپ جاتقان شارۋالاردىڭ بارلىعىنا تٷرتكٸ بولعان, سوعان سەرپٸن بەرٸپ, مٷمكٸندٸك جاساعان تۇڭعىش پرەزيدەنت نۇرسۇلتان نازارباەۆقا حالىقتىڭ ماراپاتى ەرٸ ىقىلاسىنان تۋىپ, ەسكەرتكٸش قويسا, سونداي-اق تٷركٸستاندى وسىنداي دەڭگەيگە جەتكٸزگەنٸ ٷشٸن ەڭبەگٸن قالاي باعالاسا دا جاراسادى دەپ ويلايمىن», - دەدٸ دارحان مىڭباي.
ونىڭ سٶزٸنە قاراعاندا, تٷركٸستان بٷكٸل تٷركٸ جۇرتىنىڭ رۋحاني قاتىناستارىن, قارا شاڭىراعىن ساقتاپ قالعان.
«ياعني, بۇل تۇرعىدا رۋحاني بايلانىستارىن, رۋحاني تەرەڭ تامىرلارىن ساقتاپ قالعان وسى جەر. مۇنى بارشا تٷركٸ ەلەمٸ مويىنداپ وتىر. تٷركٸستاننىڭ تۇتاس تاريحى تەك بٸرلٸككە قىزمەت ەتكەن. تٷركٸستان بٸزدٸڭ جاڭا دٷنيەتانىمىمىزدىڭ باسپالداعى بولادى. قازٸر ىقپالداسۋ دەۋٸرٸ ەكەنٸن ەسكەرسەك, تٷركٸ ەلدەرٸ وسى پروتسەستەن تىس قالا المايدى. سوندىقتان وسى جەر ىقپالداسۋدىڭ, بٸر مٷددە تانىتۋدىڭ, بٸرلٸككە قادام باسۋدىڭ ماڭىزدى باستاۋى بولادى دەپ ويلامىن. تٷركٸستاننىڭ جاڭا دەۋٸرٸ تاريحتى دا, بٷگٸنٸمٸزدٸ دە, بولاشاعىمىزدى دا ساباقتاستىرىپ تۇرادى», - دەدٸ دارحان مىڭباي.
ايتا كەتەيٸك, تٷرٸكسوي-دىڭ باس حاتشىسى بيلال چاكىدجي «تٷركٸستان – تٷركٸ ەلەمٸنٸڭ رۋحاني استاناسى: ەرٸپتەستٸكتٸڭ ينتەگراتسيياسى مەن كەلەشەگٸ» اتتى حالىقارالىق ونلاين-كونفەرەنتسييادا تٷركٸستاندا ەلباسىنا ەسكەرتكٸش ورناتۋ كەرەكتٸگٸن ايتقان ەدٸ.
