Qoja Ahmet Iasaýi kesenesi aýmaǵyna shetel azamattary úshin kirý biletiniń baǵasy ózgerdi. Bul týraly Áziret Sultan ulttyq tarihi-mádeni mýzei-qoryǵy málimdedi, dep habarlaidy ult.kz.
Mádeniet jáne aqparat ministrligi bekitken jańa tarifterge sáikes, 2026 jylǵy 10 maýsymnan bastap kesene aýmaǵyna, Iasaýi mýzeii men Sirek jádigerler zalyna kirý quny alys shetel azamattary úshin 5000 teńge, al TMD elderi azamattary úshin 2000 teńge bolady.
Qazaqstan azamattary úshin bilet baǵasy ózgerissiz qaldy:
eresekterge – 1000 teńge;
stýdentter men zeinetkerlerge – 500 teńge;
mektep oqýshylaryna – 300 teńge.
Jazǵy demalys kezeńinde mektep oqýshylary úshin kirý burynǵydai tegin bolyp qala beredi.
