Foto: Polisia.kz
Túrkistanda joǵalyp ketken tórt jasar balanyń denesi tabyldy, - dep habarlaidy "Ult aqparat" Polisia.kz Telegram-arnasyna silteme jasap.
Túrkistan qalasynyń politsiiasyna balanyń joǵalǵany týraly habarlama 1 jeltoqsanda keshki ýaqytta kelip túsken. Jergilikti turǵyn oinaýǵa shyqqan ulynyń qaita oralmaǵanyn jetkizgen.
"Joǵalǵan balany izdeýge politsiia departamentiniń barlyq kúshteri men quraldary, sondai-aq Ulttyq ulannyń qutqarýshylary men áskeri qyzmetshileri jumyldyryldy. Kishkentai balanyń fotosýreti bar baǵdarlar BAQ pen áleýmettik jelilerde jariialandy. Ony izdeýge eriktiler, jergilikti turǵyndar men oqiǵaǵa bei-jai qarai almaǵan azamattar kómek kórsetti.
Izdeý barysynda jaqyn mańdaǵy aýmaqtardy, turǵyn úilerdi aralaý júrgizildi. Qaraýsyz qalǵan úiler, aryqtar jáne kishkentai bala bara alady-aý degen basqa da oryndar tekserildi.
Úzdiksiz júrgizilgen izdeý jumystary nátijesinde 3 jeltoqsanda tústen keiin 4 jasar balanyń denesi kórshi úidiń janyndaǵy káriz qudyǵynan (septik) tabyldy. Onyń denesin meditsinalyq sarapshylar tekseredi, al máiitten zorlyq-zombylyq pen qandai da ólim belgileri tabylmady" - delingen habarlamada.
IIM baspasóz qyzmeti málimetinshe, qazirgi ýaqytta oqiǵa ornynda jedel-tergeý tobynyń qyzmetkerleri, politsiia departamenti men prokýratýra basshylyǵy jumys jasap jatyr. Bolǵan oqiǵanyń tolyq mán-jaiy anyqtalýda.
.jpg)
