Búgin Túrkistan qalasynyń qurmetti azamaty Álipbek Sháripbekuly Óserbaevty eske alýǵa arnalǵan sýǵa júzýden respýblikalyq týrnir bastaldy, dep habarlaidy «Ult aqparat» oblys ákimdiginiń baspasóz qyzmetine silteme jasap.
Týrnirge Túrkistan óńiriniń sportshylary men Shymkent, Qyzylorda, Taraz qalalarynan kelgen daryndy sańlaqtar kúsh synasýda.
Sý aidynynda 150 sportshy jarys jolyna shyǵyp, baqtaryn synaýda. Keleshekte elimizdiń kók bairaǵyn talai álemdik dodalarda jelbiretýdi maqsat etken Sáýlet Rahmanberdi bul jarysqa joǵary daiyndyqpen kelgenin aitady. Ol bul týrnirde 50 metr brass ádisimen bas júlde ielenip, altyn medal jeńip aldy.
Jarystyń ashylý saltanatyna arnaiy kelgen Túrkistan qalasy ákimi orynbasary Baidýlla Orazbekov pen oblystyq dene shynyqtyrý jáne sport basqarmasy basshysynyń orynbasary Aidos Qaltaev sóz sóilep, jastarǵa sáttilik tiledi. Eki kúnge sozylatyn jarys Túrkistanda álemdik arenaǵa alyp shyǵar ortalyq sý sport kesheninde asa tartysty ótip jatyr. Keshenniń direktory Ǵalymjan Hudiiarov ta jarystyń mańyzdylyǵyna toqtaldy.
Saiystyń bas tóreshisi Nurlyhan Kósherbaevtyń aitýynsha, sportshylar júzýdiń erkin, shalqalai, brass ádisi, batrfliain ádisi, keshendi júzý boiynsha synǵa túsedi. Tartysty dodaǵa 2008-2009, 2010 jáne odan kishi jasóspirimder qatysýda. Respýblikalyq jarysta Túrkistan oblysynyń namysyn talantty jerlesterimiz Aisha Haidarova, Balaýsa Rahmatýlla, Ardaq Qojahmet, Aianat Bostan, Arzý Rahimjanova syndy órender qorǵaýda.
