بٷگٸن تٷركٸستان قالاسىنىڭ قۇرمەتتٸ ازاماتى ەلٸپبەك شەرٸپبەكۇلى ٶسەرباەۆتى ەسكە الۋعا ارنالعان سۋعا جٷزۋدەن رەسپۋبليكالىق تۋرنير باستالدى, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
تۋرنيرگە تٷركٸستان ٶڭٸرٸنٸڭ سپورتشىلارى مەن شىمكەنت, قىزىلوردا, تاراز قالالارىنان كەلگەن دارىندى ساڭلاقتار كٷش سىناسۋدا.
سۋ ايدىنىندا 150 سپورتشى جارىس جولىنا شىعىپ, باقتارىن سىناۋدا. كەلەشەكتە ەلٸمٸزدٸڭ كٶك بايراعىن تالاي ەلەمدٸك دودالاردا جەلبٸرەتۋدٸ ماقسات ەتكەن سەۋلەت راحمانبەردٸ بۇل جارىسقا جوعارى دايىندىقپەن كەلگەنٸن ايتادى. ول بۇل تۋرنيردە 50 مەتر براسس ەدٸسٸمەن باس جٷلدە يەلەنٸپ, التىن مەدال جەڭٸپ الدى.
جارىستىڭ اشىلۋ سالتاناتىنا ارنايى كەلگەن تٷركٸستان قالاسى ەكٸمٸ ورىنباسارى بايدۋللا ورازبەكوۆ پەن وبلىستىق دەنە شىنىقتىرۋ جەنە سپورت باسقارماسى باسشىسىنىڭ ورىنباسارى ايدوس قالتاەۆ سٶز سٶيلەپ, جاستارعا سەتتٸلٸك تٸلەدٸ. ەكٸ كٷنگە سوزىلاتىن جارىس تٷركٸستاندا ەلەمدٸك ارەناعا الىپ شىعار ورتالىق سۋ سپورت كەشەنٸندە اسا تارتىستى ٶتٸپ جاتىر. كەشەننٸڭ ديرەكتورى عالىمجان حۇديياروۆ تا جارىستىڭ ماڭىزدىلىعىنا توقتالدى.
سايىستىڭ باس تٶرەشٸسٸ نۇرلىحان كٶشەرباەۆتىڭ ايتۋىنشا, سپورتشىلار جٷزۋدٸڭ ەركٸن, شالقالاي, براسس ەدٸسٸ, باترفلياين ەدٸسٸ, كەشەندٸ جٷزۋ بويىنشا سىنعا تٷسەدٸ. تارتىستى دوداعا 2008-2009, 2010 جەنە ودان كٸشٸ جاسٶسپٸرٸمدەر قاتىسۋدا. رەسپۋبليكالىق جارىستا تٷركٸستان وبلىسىنىڭ نامىسىن تالانتتى جەرلەستەرٸمٸز ايشا حايداروۆا, بالاۋسا راحماتۋللا, ارداق قوجاحمەت, ايانات بوستان, ارزۋ راحيمجانوۆا سىندى ٶرەندەر قورعاۋدا.
