Foto: ashyq derekkóz
Túrkistan qalasynda azamattardy jumysqa ornalastyrýǵa arnalǵan sýbsidiia qarajatyn jymqyrý deregi boiynsha sot aiyptaý úkimin shyǵardy, dep habarlaidy Ult.kz.
Tergeý amaldaryn Qarjylyq monitoring agenttiginiń Túrkistan oblysy boiynsha departamenti júrgizgen.
Tergeý málimetinshe, «Eńbek mobildiligi ortalyǵy» mekemesiniń burynǵy direktory, «Jumys berýshilerdi qoldaý» bóliminiń qyzmetkeri jáne birneshe kommertsiialyq uiym basshylary birigip, biýdjet qarajatyn zańsyz alý shemasyn uiymdastyrǵan.
Qyzmetker kásipkerlerdiń elektrondyq tsifrlyq qoltańbalaryn paidalanyp, memlekettik baǵdarlamalarǵa qatysý týraly jalǵan ótinimder bergen. Ótinimderdegi laýazymdar da, jumysqa qabyldaý buiryqtary da shyndyqqa janaspaityn bolǵan — azamattar is júzinde eńbek mindetterin oryndamaǵan.
Kásipkerler ózderiniń týystary men tanystaryn «baǵdarlamaǵa qatysasyńdar» dep banktik shot ashýǵa kóndirgen. Keiin bul shottarǵa jalǵan qyzmetkerlerdiń jalaqysy retinde qarajat aýdarylyp otyrǵan.
Ai saiyn júiege jalǵan tabelder engizilip, sol qujattar arqyly biýdjet qarajaty «jumysshylardyń» shottaryna aýdarylǵan. Túsken aqsha qolma-qol ainaldyrylyp, uiymdastyrýshylar arasynda bólingen.
Jalpy 78 adam jalǵan jumysqa ornalastyrylǵan. Memleketke keltirilgen zalal 49 mln teńgeden asqan.
Sot úkimimen úsh negizgi qatysýshy 4 jyl 6 aidan 5 jylǵa deiin bas bostandyǵynan aiyryldy. Al eki kásipkerge 4 jyl 6 ai merzimge bas bostandyǵyn shekteý jazasy taǵaiyndaldy.
Ziian somasy sottalýshylar tarapynan tolyq ótelgen. Úkim zańdy kúshine engen joq, taraptar shaǵymdana alady.
