فوتو: اشىق دەرەككٶز
تٷركٸستان قالاسىندا ازاماتتاردى جۇمىسقا ورنالاستىرۋعا ارنالعان سۋبسيدييا قاراجاتىن جىمقىرۋ دەرەگٸ بويىنشا سوت ايىپتاۋ ٷكٸمٸن شىعاردى, دەپ حابارلايدى Ult.kz.
تەرگەۋ امالدارىن قارجىلىق مونيتورينگ اگەنتتٸگٸنٸڭ تٷركٸستان وبلىسى بويىنشا دەپارتامەنتٸ جٷرگٸزگەن.
تەرگەۋ مەلٸمەتٸنشە, «ەڭبەك موبيلدٸلٸگٸ ورتالىعى» مەكەمەسٸنٸڭ بۇرىنعى ديرەكتورى, «جۇمىس بەرۋشٸلەردٸ قولداۋ» بٶلٸمٸنٸڭ قىزمەتكەرٸ جەنە بٸرنەشە كوممەرتسييالىق ۇيىم باسشىلارى بٸرٸگٸپ, بيۋدجەت قاراجاتىن زاڭسىز الۋ سحەماسىن ۇيىمداستىرعان.
قىزمەتكەر كەسٸپكەرلەردٸڭ ەلەكتروندىق تسيفرلىق قولتاڭبالارىن پايدالانىپ, مەملەكەتتٸك باعدارلامالارعا قاتىسۋ تۋرالى جالعان ٶتٸنٸمدەر بەرگەن. ٶتٸنٸمدەردەگٸ لاۋازىمدار دا, جۇمىسقا قابىلداۋ بۇيرىقتارى دا شىندىققا جاناسپايتىن بولعان — ازاماتتار ٸس جٷزٸندە ەڭبەك مٸندەتتەرٸن ورىنداماعان.
كەسٸپكەرلەر ٶزدەرٸنٸڭ تۋىستارى مەن تانىستارىن «باعدارلاماعا قاتىساسىڭدار» دەپ بانكتٸك شوت اشۋعا كٶندٸرگەن. كەيٸن بۇل شوتتارعا جالعان قىزمەتكەرلەردٸڭ جالاقىسى رەتٸندە قاراجات اۋدارىلىپ وتىرعان.
اي سايىن جٷيەگە جالعان تابەلدەر ەنگٸزٸلٸپ, سول قۇجاتتار ارقىلى بيۋدجەت قاراجاتى «جۇمىسشىلاردىڭ» شوتتارىنا اۋدارىلعان. تٷسكەن اقشا قولما-قول اينالدىرىلىپ, ۇيىمداستىرۋشىلار اراسىندا بٶلٸنگەن.
جالپى 78 ادام جالعان جۇمىسقا ورنالاستىرىلعان. مەملەكەتكە كەلتٸرٸلگەن زالال 49 ملن تەڭگەدەن اسقان.
سوت ٷكٸمٸمەن ٷش نەگٸزگٸ قاتىسۋشى 4 جىل 6 ايدان 5 جىلعا دەيٸن باس بوستاندىعىنان ايىرىلدى. ال ەكٸ كەسٸپكەرگە 4 جىل 6 اي مەرزٸمگە باس بوستاندىعىن شەكتەۋ جازاسى تاعايىندالدى.
زييان سوماسى سوتتالۋشىلار تاراپىنان تولىق ٶتەلگەن. ٷكٸم زاڭدى كٷشٸنە ەنگەن جوق, تاراپتار شاعىمدانا الادى.
