Qazaqstan Respýblikasynyń kezekten tys prezident sailaýy 2022 jyldyń 20 qarashasynda ótedi.
Qazirgi tańda sailaýǵa 10101 ýchaske ázirlendi, onyń ishinde 53 elde 68 sailaý ýchaskesi quryldy. El boiynsha sailaýǵa barlyǵy 10 101 ýchaske iske qosylady, sailaýshylar tizimine 11950 485 azamat engizildi. 4 qarashadan bastap el turǵyndaryna ózderin tizimnen tekserýge múmkindik berildi. Ýchaskelik komissiialar óz ókilettikteri boiynsha tizimderdegi qateler men dálsizdikter týraly ótinishterdi qaraidy, olarǵa tiisti ózgerister engizý máselelerin sheshedi.
Osyǵan bailanysty Túrkistan qalasy kóleminde «Azamattarǵa arnalǵan úkimet» Memlekettik korporatsiiasy» KE AQ Túrkistan oblysy boiynsha filialynyń qyzmetkerleri kezekten tys prezident sailaýynda 5 sailaý ýchaskesinde meken-jailary boiynsha másele týyndaǵan azamattardyń tirkeý algoritmi negizinde qyzmet kórsetpek. Onda sailaýshylar korporatsiianyń mamandarynan máseleleri boiynsha tómende kórsetilgen qyzmetterdi ala alady.
Atap ótetin bolsaq, turǵylyqty meken-jailary boiynsha másele týyndaǵan jaǵdaida nemese osy baǵyttaǵy suraqtarǵa, ákimshilik-aýmaqtyq birlik sheginde turaqty turǵylyqty jeri boiynsha azamat tirkelmegen jaǵdaida, azamattyń respýblika sheginde turaqty tirkeýi bolmaǵan jaǵdaida ǵimarat nemese úi-jai iesiniń ótinishi negizinde turaqty tirkeýdi «Azamattarǵa arnalǵan úkimet» memlekettik korporatsiiasy» kommertsiialyq emes aktsionerlik qoǵamynyń qyzmetkerleri arqyly júzege asyrady.
Joǵaryda kórsetilgen qyzmetterdi myna meken-jailar boiynsha alýǵa bolady.
1. S.Qojanov kóshesi, №42
Meditsina kolledji;
2. N. Tórequlov № 1A,
№3 Ámir Temir atyndaǵy JOM;
3. Sandybaev kóshesi, №65
№18 J.Edilbaev atyndaǵy JOM;
4. Shoiynbet bi kóshesi, №9
№23 J.Táshenov atyndaǵy JOM;
5. Syǵanaq kóshesi, №2A
№27 Ó.Jánibekov atyndaǵy JOM;
Búgin mamandar osy sailaý ýchaskelerinde bolyp, tiisti jabdyqtarmen qamtamasyz etilgendigine kóz jetkizdi. Sailaý naýqanynda atalmysh máselelerge tap bolsańyz, osy meken-jaida ornalasqan korporatsiianyń mamandarynyń kómegine júgine alasyz.
