قازاقستان رەسپۋبليكاسىنىڭ كەزەكتەن تىس پرەزيدەنت سايلاۋى 2022 جىلدىڭ 20 قاراشاسىندا ٶتەدٸ.
قازٸرگٸ تاڭدا سايلاۋعا 10101 ۋچاسكە ەزٸرلەندٸ, ونىڭ ٸشٸندە 53 ەلدە 68 سايلاۋ ۋچاسكەسٸ قۇرىلدى. ەل بويىنشا سايلاۋعا بارلىعى 10 101 ۋچاسكە ٸسكە قوسىلادى, سايلاۋشىلار تٸزٸمٸنە 11950 485 ازامات ەنگٸزٸلدٸ. 4 قاراشادان باستاپ ەل تۇرعىندارىنا ٶزدەرٸن تٸزٸمنەن تەكسەرۋگە مٷمكٸندٸك بەرٸلدٸ. ۋچاسكەلٸك كوميسسييالار ٶز ٶكٸلەتتٸكتەرٸ بويىنشا تٸزٸمدەردەگٸ قاتەلەر مەن دەلسٸزدٸكتەر تۋرالى ٶتٸنٸشتەردٸ قارايدى, ولارعا تيٸستٸ ٶزگەرٸستەر ەنگٸزۋ مەسەلەلەرٸن شەشەدٸ.
وسىعان بايلانىستى تٷركٸستان قالاسى كٶلەمٸندە «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كە اق تٷركٸستان وبلىسى بويىنشا فيليالىنىڭ قىزمەتكەرلەرٸ كەزەكتەن تىس پرەزيدەنت سايلاۋىندا 5 سايلاۋ ۋچاسكەسٸندە مەكەن-جايلارى بويىنشا مەسەلە تۋىنداعان ازاماتتاردىڭ تٸركەۋ الگوريتمٸ نەگٸزٸندە قىزمەت كٶرسەتپەك. وندا سايلاۋشىلار كورپوراتسييانىڭ ماماندارىنان مەسەلەلەرٸ بويىنشا تٶمەندە كٶرسەتٸلگەن قىزمەتتەردٸ الا الادى.
اتاپ ٶتەتٸن بولساق, تۇرعىلىقتى مەكەن-جايلارى بويىنشا مەسەلە تۋىنداعان جاعدايدا نەمەسە وسى باعىتتاعى سۇراقتارعا, ەكٸمشٸلٸك-اۋماقتىق بٸرلٸك شەگٸندە تۇراقتى تۇرعىلىقتى جەرٸ بويىنشا ازامات تٸركەلمەگەن جاعدايدا, ازاماتتىڭ رەسپۋبليكا شەگٸندە تۇراقتى تٸركەۋٸ بولماعان جاعدايدا عيمارات نەمەسە ٷي-جاي يەسٸنٸڭ ٶتٸنٸشٸ نەگٸزٸندە تۇراقتى تٸركەۋدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسى» كوممەرتسييالىق ەمەس اكتسيونەرلٸك قوعامىنىڭ قىزمەتكەرلەرٸ ارقىلى جٷزەگە اسىرادى.
جوعارىدا كٶرسەتٸلگەن قىزمەتتەردٸ مىنا مەكەن-جايلار بويىنشا الۋعا بولادى.
1. س.قوجانوۆ كٶشەسٸ, №42
مەديتسينا كوللەدجٸ;
2. ن. تٶرەقۇلوۆ № 1ا,
№3 ەمٸر تەمٸر اتىنداعى جوم;
3. ساندىباەۆ كٶشەسٸ, №65
№18 ج.ەدٸلباەۆ اتىنداعى جوم;
4. شويىنبەت بي كٶشەسٸ, №9
№23 ج.تەشەنوۆ اتىنداعى جوم;
5. سىعاناق كٶشەسٸ, №2ا
№27 ٶ.جەنٸبەكوۆ اتىنداعى جوم;
بٷگٸن ماماندار وسى سايلاۋ ۋچاسكەلەرٸندە بولىپ, تيٸستٸ جابدىقتارمەن قامتاماسىز ەتٸلگەندٸگٸنە كٶز جەتكٸزدٸ. سايلاۋ ناۋقانىندا اتالمىش مەسەلەلەرگە تاپ بولساڭىز, وسى مەكەن-جايدا ورنالاسقان كورپوراتسييانىڭ ماماندارىنىڭ كٶمەگٸنە جٷگٸنە الاسىز.
