Túrkistan oblysynda politseiler karantin kezinde ótip jatqan kezekti toidy toqtatty, dep habarlaidy "Ult aqparat" oblystyq politsiia departamentine silteme jasap.
Túrkistan oblysynyń aýmaǵynda turǵyndar arasynda koronavirýs infektsiiasynyń taralý qaýpine bailanysty karantin rejimi engizilgeni belgili.
Alaida, sanitarlyq jáne shekteý sharalaryn elemeitin azamattardyń sany azaimai otyr. Quqyqbuzýshylar úilený jáne otbasylyq is-sharalardy ótkizý arqyly shaqyrylǵan týystary men qonaqtardy, jaqyndarynyń densaýlyǵyna qaýip tóndirýde.
«Máselen, Túrkistan oblysynyń ortalyǵynda Túrkistan JPQ QPB qyzmetkerleri jergilikti turǵyndardyń biriniń karantin sharalaryn buzý jaityn anyqtady. Reid barysynda meiramhanalar, kafeler men basqa da adam kóp jinalatyn oryndardy tekserý kezinde politsiia qyzmetkerleri ótip jatqan toidy toqtatty. Osydan soń tártip saqshylary úilený toi uiymdastyrýshylarymen jáne qatysýshylarymen túsindirý áńgimesin júrgizip, qonaqtardy toihanadan taratty» delingen habarlamada.
Toihana ákimshisi men toi uiymdastyrýshysyna qatysty QR ÁQBtK 425-baby boiynsha ákimshilik hattama toltyryldy. Jinalǵan materialdar zańdy sheshim qabyldaý úshin tiisti organdarǵa jiberildi.
Óz kezeginde Túrkistan oblysynyń politseileri azamattarǵa koronavirýsqa bailanysty engizilgen karantin sharalaryn mindetti túrde qatań saqtaýdy eskertedi.
Bas sanitar dárigerdiń qaýlysynyń talaptaryn qatań saqtaý, betperde kiiý jáne araqashyqtyqty saqtaý qajet.
