Túrkistan oblysynyń ákimi Darhan Satybaldynyń tóraǵalyǵymen oblystaǵy qoǵamdyq-saiasi ahýal máseleleri týraly otyrys ótti, dep habarlaidy «Ult aqparat» oblys ákimdiginiń baspasóz qyzmetine silteme jasap.
Jiynǵa oblystyq prokýratýra, quqyq qorǵaý organdary men tiisti basqarmalardyń basshylary qatysty. Aýdan, qala ákimderi selektorlyq rejimde qosyldy. Jiyn barysynda oblystyq qoǵamdyq damý basqarmasynyń basshysy Ańsar Óserbaev oblystaǵy qoǵamdyq-saiasi ahýal týraly baiandama jasap, jyl basynan beri atqarylǵan jumys nátijesimen tanystyrdy. Basqosýda qoǵamdyq-saiasi ahýaldy baqylaýda ustap, der kezinde tiisti sharalardy júrgizýi tiistigi basa aityldy.
«Basty ustanym – halyqpen tiimdi keri bailanys ornatý. Bilik pen qoǵam arasynda turaqty dialog ornatý aldaǵy ýaqytta atqaratyn jumystyń basym baǵytyna ainalýy tiis. Qoǵamdyq dialog, ashyqtyq, halyqtyń muń-muqtajyna jedel nazar aýdarý – memlekettik organdar qyzmetiniń negizgi basymdyqtary. Osy baǵyttaǵy jumystardy kúsheitý kerek», – dedi oblys ákimi Darhan Satybaldy.
Jiyn qorytyndysy boiynsha oblys ákimi atalǵan máselelerdiń barlyǵyn qarap shyǵyp, oblys ákimdigine qarasty basqarmalar men tiisti quzyrly mekemelerge, qala jáne aýdan ákimderine quqyqbuzýshylyqtyń aldyn alyp, qoǵamdyq qaýipsizdikti kúsheitýdi tapsyrdy.
