تٷركٸستان وبلىسىنىڭ ەكٸمٸ دارحان ساتىبالدىنىڭ تٶراعالىعىمەن وبلىستاعى قوعامدىق-ساياسي احۋال مەسەلەلەرٸ تۋرالى وتىرىس ٶتتٸ, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
جيىنعا وبلىستىق پروكۋراتۋرا, قۇقىق قورعاۋ ورگاندارى مەن تيٸستٸ باسقارمالاردىڭ باسشىلارى قاتىستى. اۋدان, قالا ەكٸمدەرٸ سەلەكتورلىق رەجيمدە قوسىلدى. جيىن بارىسىندا وبلىستىق قوعامدىق دامۋ باسقارماسىنىڭ باسشىسى اڭسار ٶسەرباەۆ وبلىستاعى قوعامدىق-ساياسي احۋال تۋرالى بايانداما جاساپ, جىل باسىنان بەرٸ اتقارىلعان جۇمىس نەتيجەسٸمەن تانىستىردى. باسقوسۋدا قوعامدىق-ساياسي احۋالدى باقىلاۋدا ۇستاپ, دەر كەزٸندە تيٸستٸ شارالاردى جٷرگٸزۋٸ تيٸستٸگٸ باسا ايتىلدى.
«باستى ۇستانىم – حالىقپەن تيٸمدٸ كەرٸ بايلانىس ورناتۋ. بيلٸك پەن قوعام اراسىندا تۇراقتى ديالوگ ورناتۋ الداعى ۋاقىتتا اتقاراتىن جۇمىستىڭ باسىم باعىتىنا اينالۋى تيٸس. قوعامدىق ديالوگ, اشىقتىق, حالىقتىڭ مۇڭ-مۇقتاجىنا جەدەل نازار اۋدارۋ – مەملەكەتتٸك ورگاندار قىزمەتٸنٸڭ نەگٸزگٸ باسىمدىقتارى. وسى باعىتتاعى جۇمىستاردى كٷشەيتۋ كەرەك», – دەدٸ وبلىس ەكٸمٸ دارحان ساتىبالدى.
جيىن قورىتىندىسى بويىنشا وبلىس ەكٸمٸ اتالعان مەسەلەلەردٸڭ بارلىعىن قاراپ شىعىپ, وبلىس ەكٸمدٸگٸنە قاراستى باسقارمالار مەن تيٸستٸ قۇزىرلى مەكەمەلەرگە, قالا جەنە اۋدان ەكٸمدەرٸنە قۇقىقبۇزۋشىلىقتىڭ الدىن الىپ, قوعامدىق قاۋٸپسٸزدٸكتٸ كٷشەيتۋدٸ تاپسىردى.
