Búgingi tańda Túrkistan qalasynda óńirlerdiń, ulttyq kompaniialar men biznestiń qatysýymen 28 nysannyń qurylysy júrgizilýde. Qalanyń rýhani-mádeni ortalyǵynda 10 nysannyń ǵimaraty salynýda, dep habarlaidy "Ult aqparat".
Máselen, ákimshilik-iskerlik ortalyqta 16 nysan turǵyzylady dep josparlanǵan. Olardyń ishinde oblys ákimdigi, basqarmalar, departamentter, kongress-ortalyǵy, media-ortalyǵynyń ǵimaraty, Nur-Sultan alańy, oqýshylar saraiy, stadion, mýzykalyq mektep, sandyq keńse, basseini bar sport kesheni, Smart siti bailanys júiesi, olimpiada rezerviniń sport mektebi, qalalyq saiabaq, týrizm kolledji jáne halyqqa qyzmet kórsetý ortalyǵynyń ǵimarattary bar.
Sonymen qatar, qalanyń rýhani-mádeni ortalyǵynda 10 nysannyń qurylysy júrgizilýde. Atap óter bolsaq, mýzykalyq sýburqaq, shyǵys monshasy, Neke saraiy, «Uly dala eli» ortalyǵy, drama teatry, qabyldaý ortalyǵy, Q. A. Iassaýi atyndaǵy murajai, ǵylymi-ámbebap kitaphanasy, «Uly Jibek joly» qolónershiler ortalyǵy jáne amfiteatr. Jalpy, biylǵy jyldyń sońyna deiin 11 nysandy paidalanýǵa berý josparlanýda. Nysandardyń qurylysy eki aýysymda júrgizilýde.
