Abai oblysy, Úrjar aýdanynda qusbegilikten Álem chempionaty ótti. Oǵan 6 memleketten, 70-ke tarta saiatshy qatysty.
«Álemdik dodada elimizdiń mereiin ústem etken jerlestermen Túrkistan oblysynyń ulttyq sport janashyrlary sportshylarymen kezdesip, olarǵa qurmet kórsetti», deidi oblys ákimdiginiń baspasóz qyzmeti.
Sońǵy ýaqytta halqymyzdyń ulttyq sport túrleri dúniejúzi boiynsha qarqyndy damyp keledi. Ásirese, Eýropa elderi men Amerika qurama shtattarynda da ultymyzdyń ulylyǵyn kórsetetin kókpar, jamby atý jáne qusbegilik óneri qaryshtap órkendeýde. Mamandardyń aitýynsha, álemde qusbelgilik aqsúiekterdiń súiikti sporty sanalady. Osy ónerdi janyna serik etken túrkistandyq Seidýlla Pan jastar arasynda bul sporttyń saltanat qurǵanyn jaqsylyqqa balaidy.
Basqosýda Túrkistan oblysynyń kókpar federatsiiasynyń vitse-prezidenti Baýyrjan Musabekov júldeger sańlaqtarǵa qarjylai qoldaý kórsetti. Al, oblystyq ulttyq sport túrleri mektebiniń direktory, jastardyń janashyry Ǵani Ahmetbaev Álem jáne Qazaqstan chempionattarynyń jeńimpazdary men júldegerlerin qabyldap, iri jeńisterge jetý úshin aianbai eńbektene berý kerek ekendigin aitty.
Bolashaqta da baǵdarly jol bar ekenin jetkizip, elimizdiń namysy úshin ter tógip kele jatqan azamattarǵa alǵystaryn aitty. Aitalyq, Qaraǵandy oblysy Jańaarqa aýdanynda qusbelgilikten jastar arasynda ótken el chempionatynda Túrkistan oblysynyń talanty Mahambet Namazbai jeńimpaz atansa, Qyzylorda qalasynda biyl eresekter arasynda aiaqtalǵan kezekti Qazaqstan chempionatynda túrkistandyqtar Seidýlla Pan altyn medal, al Ibragim Bazarbaev qola júlde ielendi. Qazir jergilikti jastar arasynda ulttyq sport túrlerine degen qyzyǵýshylyq artqanyn bilikti bapker Jomart Keýenov jaqsylyqqa balap otyr.
Sonymen qatar, jeńimpazdar bas qosqan jiynda túrli saiystarda top jarǵan ataqty qusbegishiler Didarbek Arshabai men Tólemyrza Pań, Erlan Sandybai men Baǵdat Keýenov ta marapattan shet qalmady. Osylaisha, qasietti de qasterli ulttyq sportty jańǵyrtyp, jańartyp kele jatqan túrkistandyqtar tamasha kóńil-kúimen tarqasty.
