اباي وبلىسى, ٷرجار اۋدانىندا قۇسبەگٸلٸكتەن ەلەم چەمپيوناتى ٶتتٸ. وعان 6 مەملەكەتتەن, 70-كە تارتا ساياتشى قاتىستى.
«ەلەمدٸك دودادا ەلٸمٸزدٸڭ مەرەيٸن ٷستەم ەتكەن جەرلەستەرمەن تٷركٸستان وبلىسىنىڭ ۇلتتىق سپورت جاناشىرلارى سپورتشىلارىمەن كەزدەسٸپ, ولارعا قۇرمەت كٶرسەتتٸ», دەيدٸ وبلىس ەكٸمدٸگٸنٸڭ باسپاسٶز قىزمەتٸ.
سوڭعى ۋاقىتتا حالقىمىزدىڭ ۇلتتىق سپورت تٷرلەرٸ دٷنيەجٷزٸ بويىنشا قارقىندى دامىپ كەلەدٸ. ەسٸرەسە, ەۋروپا ەلدەرٸ مەن امەريكا قۇراما شتاتتارىندا دا ۇلتىمىزدىڭ ۇلىلىعىن كٶرسەتەتٸن كٶكپار, جامبى اتۋ جەنە قۇسبەگٸلٸك ٶنەرٸ قارىشتاپ ٶركەندەۋدە. مامانداردىڭ ايتۋىنشا, ەلەمدە قۇسبەلگٸلٸك اقسٷيەكتەردٸڭ سٷيٸكتٸ سپورتى سانالادى. وسى ٶنەردٸ جانىنا سەرٸك ەتكەن تٷركٸستاندىق سەيدۋللا پان جاستار اراسىندا بۇل سپورتتىڭ سالتانات قۇرعانىن جاقسىلىققا بالايدى.
باسقوسۋدا تٷركٸستان وبلىسىنىڭ كٶكپار فەدەراتسيياسىنىڭ ۆيتسە-پرەزيدەنتٸ باۋىرجان مۇسابەكوۆ جٷلدەگەر ساڭلاقتارعا قارجىلاي قولداۋ كٶرسەتتٸ. ال, وبلىستىق ۇلتتىق سپورت تٷرلەرٸ مەكتەبٸنٸڭ ديرەكتورى, جاستاردىڭ جاناشىرى عاني احمەتباەۆ ەلەم جەنە قازاقستان چەمپيوناتتارىنىڭ جەڭٸمپازدارى مەن جٷلدەگەرلەرٸن قابىلداپ, ٸرٸ جەڭٸستەرگە جەتۋ ٷشٸن ايانباي ەڭبەكتەنە بەرۋ كەرەك ەكەندٸگٸن ايتتى.
بولاشاقتا دا باعدارلى جول بار ەكەنٸن جەتكٸزٸپ, ەلٸمٸزدٸڭ نامىسى ٷشٸن تەر تٶگٸپ كەلە جاتقان ازاماتتارعا العىستارىن ايتتى. ايتالىق, قاراعاندى وبلىسى جاڭاارقا اۋدانىندا قۇسبەلگٸلٸكتەن جاستار اراسىندا ٶتكەن ەل چەمپيوناتىندا تٷركٸستان وبلىسىنىڭ تالانتى ماحامبەت نامازباي جەڭٸمپاز اتانسا, قىزىلوردا قالاسىندا بيىل ەرەسەكتەر اراسىندا اياقتالعان كەزەكتٸ قازاقستان چەمپيوناتىندا تٷركٸستاندىقتار سەيدۋللا پان التىن مەدال, ال يبراگيم بازارباەۆ قولا جٷلدە يەلەندٸ. قازٸر جەرگٸلٸكتٸ جاستار اراسىندا ۇلتتىق سپورت تٷرلەرٸنە دەگەن قىزىعۋشىلىق ارتقانىن بٸلٸكتٸ باپكەر جومارت كەۋەنوۆ جاقسىلىققا بالاپ وتىر.
سونىمەن قاتار, جەڭٸمپازدار باس قوسقان جيىندا تٷرلٸ سايىستاردا توپ جارعان اتاقتى قۇسبەگٸشٸلەر ديداربەك ارشاباي مەن تٶلەمىرزا پاڭ, ەرلان ساندىباي مەن باعدات كەۋەنوۆ تا ماراپاتتان شەت قالمادى. وسىلايشا, قاسيەتتٸ دە قاستەرلٸ ۇلتتىق سپورتتى جاڭعىرتىپ, جاڭارتىپ كەلە جاتقان تٷركٸستاندىقتار تاماشا كٶڭٸل-كٷيمەن تارقاستى.
