Túrkistanda Elbasy eskertkishin ornatý úshin halyqaralyq konkýrs jariialaý kerek. Mundai pikirdi Ahmet Iassaýi atyndaǵy Qazaq-túrik ýniversitetiniń birinshi prezidenti Jengiz Tomar bildirdi, dep habarlaidy QazAqparat.
«Nursultan Nazarbaev - Qazaqstan úshin ǵana emes barsha túrki áleminiń birligi, yntymaǵy úshin mańyzdy bastamalar kótergen tulǵa. Elbasy Túrki tildes elderdiń Parlamenttik assambleiasyn, Túrki keńesin, Túrki akademiiasyn qurýǵa uiytqy boldy. 1991 jyly Iasaýi atyndaǵy Qazaq-túrik ýniversitetiniń de qurylýyna sebepker bolǵan adam. Esterińizde bolsa, osy jyldyń naýryz aiynda Túrkistan qalasynda «Túrkistan – túrki áleminiń rýhani astanasy» degen uranmen ótken keńeste sheshim qabyldandy. Túrkistan qalasynyń damýyna da Elbasynyń sińirgen úlesi óte zor. Búginde oblys ortalyǵyna ainalǵan qala jańaryp, túrlene tústi. Sondyqtan Túrki álemniń máńgi astanasy Túrkistanda Qazaqstan Prezidentiniń bir eskertkish bolǵany durys dep esepteimin», - dedi Qazaq-túrik ýniversitetiniń birinshi prezidenti.
Sonymen qatar ol «Qazaqstan Tuńǵysh Prezidentiniń Túrkistan qalasynda ornatylatyn eskertkishi úshin Túrki áleminde halyqaralyq baiqaý uiymdastyrǵan jón bolar edi» degen oiyn alǵa tartady.
«Menińshe, Túrki álemine ortaq halyqaralyq deńgeidegi baiqaý bolsa durys», - dedi Jengiz Tomar.
