تٷركٸستاندا ەلباسى ەسكەرتكٸشٸن ورناتۋ ٷشٸن حالىقارالىق كونكۋرس جارييالاۋ كەرەك. مۇنداي پٸكٸردٸ احمەت ياسساۋي اتىنداعى قازاق-تٷرٸك ۋنيۆەرسيتەتٸنٸڭ بٸرٸنشٸ پرەزيدەنتٸ جەنگيز تومار بٸلدٸردٸ, دەپ حابارلايدى قازاقپارات.
«نۇرسۇلتان نازارباەۆ - قازاقستان ٷشٸن عانا ەمەس بارشا تٷركٸ ەلەمٸنٸڭ بٸرلٸگٸ, ىنتىماعى ٷشٸن ماڭىزدى باستامالار كٶتەرگەن تۇلعا. ەلباسى تٷركٸ تٸلدەس ەلدەردٸڭ پارلامەنتتٸك اسسامبلەياسىن, تٷركٸ كەڭەسٸن, تٷركٸ اكادەميياسىن قۇرۋعا ۇيىتقى بولدى. 1991 جىلى ياساۋي اتىنداعى قازاق-تٷرٸك ۋنيۆەرسيتەتٸنٸڭ دە قۇرىلۋىنا سەبەپكەر بولعان ادام. ەستەرٸڭٸزدە بولسا, وسى جىلدىڭ ناۋرىز ايىندا تٷركٸستان قالاسىندا «تٷركٸستان – تٷركٸ ەلەمٸنٸڭ رۋحاني استاناسى» دەگەن ۇرانمەن ٶتكەن كەڭەستە شەشٸم قابىلداندى. تٷركٸستان قالاسىنىڭ دامۋىنا دا ەلباسىنىڭ سٸڭٸرگەن ٷلەسٸ ٶتە زور. بٷگٸندە وبلىس ورتالىعىنا اينالعان قالا جاڭارىپ, تٷرلەنە تٷستٸ. سوندىقتان تٷركٸ ەلەمنٸڭ مەڭگٸ استاناسى تٷركٸستاندا قازاقستان پرەزيدەنتٸنٸڭ بٸر ەسكەرتكٸش بولعانى دۇرىس دەپ ەسەپتەيمٸن», - دەدٸ قازاق-تٷرٸك ۋنيۆەرسيتەتٸنٸڭ بٸرٸنشٸ پرەزيدەنتٸ.
سونىمەن قاتار ول «قازاقستان تۇڭعىش پرەزيدەنتٸنٸڭ تٷركٸستان قالاسىندا ورناتىلاتىن ەسكەرتكٸشٸ ٷشٸن تٷركٸ ەلەمٸندە حالىقارالىق بايقاۋ ۇيىمداستىرعان جٶن بولار ەدٸ» دەگەن ويىن العا تارتادى.
«مەنٸڭشە, تٷركٸ ەلەمٸنە ورتاق حالىقارالىق دەڭگەيدەگٸ بايقاۋ بولسا دۇرىس», - دەدٸ جەنگيز تومار.
