Túrkistan qalasynyń ortalyǵyndaǵy «Saýran» yqsham aýdanynda 1933 jyly salynǵan búginde N.Tórequlov atymen atalatyn mektep janynan tiptik úlgidegi 200 oryndyq jańa ǵimarat paidalanýǵa berildi. Osy igilikti sharaǵa qatysqan oblys ákimi J.Túimebaev mektep ujymy men barsha oqýshylarǵa sáttilik tilep, jańa oqý ǵimaratynan zaman talabyna sai sanaly urpaqtyń tárbielenýine tilektestigin jetkizdi.
2016 jyly qurylysy bastalǵan oqý ǵimaratynda 10 synyp bólmesi, ashana, sport zaly men májilis zaly jáne medpýnkt qarastyrylǵan. Jobanyń quny 374 mln. teńgeni quraidy.
Buǵan deiin atalǵan mekteptiń eski ǵimaraty jetispegendikten, keńes táýelsizdik jyldaryna deiin jumys jasap kelgen «Juldyzsha» balabaqshasynyń ǵimaraty shákirtterdiń synyby retinde paidalanylyp kelgen. Osyndai oryndarda tálim alǵan 1179 oqýshynyń aldaǵy kúnderi alańsyz bilim alýyna tolyq jaǵdai jasalyp otyr.
Budan soń oblys basshysy Túrkistan qalasyna qarasty Qumtiyn eldi mekenindegi «Qulynshaq» balabaqshasynyń ashylý saltanatyna qatysty. Qurylysy ótken jyly bastaý alǵan búldirshinderdiń altyn uiasy aýyl turǵyndary úshin kúrdeli máseleniń biri bolyp kelgen. 1825 turǵyny bar Qumtiyn eldi mekenindegi mektep janyndaǵy shaǵyn ortalyqta 80 bala tárbielenip kelgen. Endigi jerde 120 oryndyq tiptik úlgidegi balabaqsha ǵimaraty mundaǵy kúrmeýli máseleniń sheshimine balanyp otyr.
Túrkistan qalasyna jasaǵan jumys saparynda Ońtústik Qazaqstan oblysynyń ákimi J.Túimebaev sút ónimderin qaita óńdeitin «Muzdy taý» óndiris ornynyń jumysymen tanysty. 2013 jyldan beri balmuzdaqtyń 30 túrin shyǵaratyn óndiris orny ónimderin elimizdiń 5 oblysyna taratyp keledi. Jalpy quny 450 mln. teńgeni quraityn jobanyń jyldyq qýattylyǵy 900 tonna ónim shyǵarýǵa qaýqarly. 2016 jyly kásiporyn 118,6 mln. teńgeniń ónimin óndirse, biyl 140 mln. teńgeniń ónimin naryqqa shyǵarýdy mejelep otyr. Munda 50 adam jumyspen qamtylǵan.
Turǵyndardy jumyspen qamtyp, qala ekonomikasynyń damýyna úlesin qosyp otyrǵan kásiporynǵa aimaq basshysy oń baǵasyn berip, shaǵyn kásipkerlikpen ainalysýǵa yntaly jas azamattarǵa memleketten beriletin qoldaýlardy keńinen nasihattaýdy qala ákimine aitty.
