Foto: ashyq derekkóz
Túrkistan qalasynda erekshe jetistik tirkeldi. Bir synyptyń eki oqýshysy Ulttyq biryńǵai testileýden eń joǵary – 140 ball jinady, dep habarlaidy Ult.kz.
16 mamyr kúni «TULGA SCHOOL» jekemenshik mektebiniń 11 «D» synyp oqýshylary Aisultan Jańbyrbai men Jasýr Nyshanbaev UBT-da úzdik nátije kórsetip, tolyq 140 ballǵa qol jetkizdi.
Eki talapkerdiń ortaq tusy kóp: olar bir synypta oqyǵan, birdei beiindik pánderdi tańdaǵan jáne bolashaq mamandyq baǵyttary da uqsas. UBT barysynda olar Dúniejúzi tarihy men aǵylshyn tili pánderinen synaq tapsyryp, aǵylshyn tilinen halyqaralyq IELTS emtihanynda 6,5 ball ielengen.
Qos túlektiń de tańdaýy – Maqsut Nárikbaev atyndaǵy ýniversitet. Olar aldaǵy ýaqytta aýdarma isi mamandyǵyn meńgerip, halyqaralyq deńgeide jumys isteýdi maqsat etedi.
