Qazaqstan Respýblikasynyń Mádeniet jáne sport vitse-ministri Erjan Erkinbaev 2023 jyly Túrkistan qalasy túrkitildes elderdiń týristik astanasy bolýy múmkin ekenin aitty.
«Túrkistan – elimizdegi týristik qarqyny joǵary óńirlerdiń biri. Qalanyń infraqurylymy jyl sanap damyp kele jatyr. Túrkistanǵa kóliktiń barlyq túri barady. Búginde bul qalada respýblikalyq jáne halyqaralyq aitýly is-sharalar ótip jatyr. Ázerbaijanda ótken túrkitildes elderdiń týrizmge jaýapty ministrleriniń kezdesýinde Qazaqstan 2023 jyly Túrkistan qalasyn túrkitildes elderdiń týristik astanasy etip jariialaýdy usyndy. Biyl túrkitildes elderdiń týristik astanasy – Baký», – deidi Erjan Erkinbaev.
Vitse-ministrdiń aitýynsha, biyl Túrkistanǵa týristerdi tartý maqsatynda birqatar aýqymdy sharalar ótkiziledi.
«Jyl sońyna deiin josparlanyp otyrǵan is-sharalardyń formaty ártúrli. Onyń ishinde mádeni, týristik, sporttyq, oiyn-saýyqtar, taǵy sol siiaqtylar bar», – dedi ol.
