Túrkistan qalasynyń sazdy-drama teatryna QR halyq ártisi, professor Raiymbek Seitmetovtiń esimi berildi. Bul týraly oblystyq mádeniet basqarmasynyń basshysy málimdedi. Nurbolat Ahmetjanovtyń sózinshe, QR Úkimeti osy másele jóninde arnaiy qaýly shyǵarǵan, dep habarlaidy Ult.kz tilshisi QazAqparat agenttigine silteme jasap.
«Túrkistan Túrki áleminiń mádeni astanasy atanǵan jyly Raiymbek Seitmetovtyń ózi qurǵan óner oshaǵyna onyń esimin berý - Uly Dala eliniń ulylaryn ulyqtaý bolyp tabylady», - dedi Ahmetjanov.
Aita keteiik, kezinde Qoja Ahmet Iasaýi atyndaǵy Halyqaralyq Qazaq-Túrik ýniversitetiniń rektory Murat Jurynovtyń qoldaýymen atalǵan oqý ornynan «Óner» bólimi ashyldy. Sol bólimge Almatydan teatr tarlany Raiymbek Seitmetov kelip, talai jasty ónerge baýlydy.
«Túrkistannyń rýhyn kóterý úshin eń áýeli sol jerdiń rýhani igilikterin jasaýymyz qajet. "Elimiz egemendik aldy, Túrkistan qaita túleitin bolady" dep jastaiymnan baýyr basyp qalǵan Almatyny, ataq-abyroiyǵa ie bolǵan óner ordasyn tastap, týǵan jerge tartyp kettim. Túrkistan qaita túlep, irgesin keńitip jatqanda sonyń bir shegesi bolyp qalǵym keldi...», - dep Almatyny ne úshin tastap kelgenin túsindirgen edi sahna sańlaǵy.
Ózi tárbielep, baýlyǵan shákirtterinen teatr trýppasyn jasaqtady. Elbasyna hat jazyp, qanshama mekemeniń tabaldyryǵyn tozdyryp júrip, Túrkistandai kieli shaharda teatr qurdy. Ózi qurǵan teatrdyń irgetasyn qalap, qaitalanbas qoiylymdar qoidy.
