Foto: Ashyq derekkóz
Ordabasy aýdanynda qolaily investitsiialyq klimat qurý jáne ekonomikadaǵy ónerkásip salasyn odan ári damytýǵa tolyq múmkindik bar. Endi munai-himiialyq klasterdi damytý, arnaiy indýstrialdy aimaqtardy ulǵaitý úshin óńdeýshi ónerkásipke shetel kompaniialaryn tartýǵa basymdyq beriledi, dep habarlaidy «Ult aqparat».
Aýdanda jańa óndiristik kásiporyndardy ashý úshin 52 gektardy quraityn infraqurylymmen qamtylǵan Badam indýstrialdy aimaǵy qurylǵan.
Jyl basynan beri Ordabasy aýdanynyń jalpy ónim kólemi 64,3 mlrd. teńgeni qurady. Óńirlik ónimniń qurylymy aýyl sharýashylyǵy, ónerkásip, qurylys salalaryna tiesili. Aýdannyń áleýmettik-ekonomikalyq damýy kólemin 2030 jylǵa 2 esege arttyrý josparlanyp otyr. Jalpy 2024-2030 jyldary investitsiia quny 214,6 mlrd teńgeni quraityn ónerkásip, aýyl sharýashylyǵy, kásipkerlik, týrizm salalary boiynsha 79 iri joba iske asyrylady dep kútilýde. Al odan túsetin salyq boljammen 5 mlrd 733 mln teńgeni quramaq. Nátijesinde 4 226 jumys orny ashylady.
Darhan Satybaldy, Túrkistan oblysynyń ákimi: «Memleket basshysynyń aldymyzǵa qoiǵan mindeti – ómir súrý sapasyn jaqsartý. Ákimderdiń jumysy halyqtyń ál-aýqatyna bailanysty baǵalanady. Osy baǵytta jan-jaqty múmkindikterdi paidalanyp, jumysty jandandyrý kerek. Óndiris oryndaryn kóbeitý úshin, qaita óńdeýdi damytý úshin. Aýdanda jańa zaýyt, fabrikalardy kóptep ashyp, turalap qalǵan kásiporyndardy qaita aiaǵynan turǵyzýǵa kúsh salý kerek. Ónim kólemin arttyryp, jergilikti ónimdi eksportqa shyǵarýdy jolǵa qoiý kerek. Jylyjailardyń aýmaǵyn arttyrý qajet. Saýyqtyrý týrizmin damytý mańyzdy. Ázirge jumys álsiz. Bul baǵytta zertteý jumystaryn júrgizý qajet. Júieli jumys, baǵyt kerek. Izdený kerek».
Óńirdegi ónerkásip ónim kólemi 7 aidyń qorytyndysymen 8,2 paiyzǵa artyp, 21,4 mlrd teńgeni qurady. Jyl sońyna deiin 37,5 mlrd teńgege jetip, ósim 11,6% artady dep kútilýde. 2024-2030 jyldar aralyǵynda quny 168,8 mlrd teńgeni quraityn 24 joba júzege asyrylyp, 2 749 jumys orny ashylady dep josparlanýda.
Azat Oralbaev, Ordabasy aýdanynyń ákimi: «Aýyl sharýashylyǵy salasynda ósimdik sharýashylyǵyn damytý, mal, qus, balyq sharýashylyǵyn damytý boiynsha 4 baǵytta damytý josparlanǵan. 2024 jyldyń 7 aiynda 23,6 mlrd teńgeniń ónimi óndirilip, jyl qorytyndysymen 83,2 mlrd teńgeniń ónimin óndirý josparlanǵan. Keler jylǵa ónim kólemi 94,6 mlrd teńgege jetkizý josparlandy. Aýdanda 71 myń 600 gektar jerge aýyl sharýashylyǵy daqyldary ornalastyrylyp, 413 myń tonna ónim jinaý mejelengen».
Ordabasy aýdanynda jańa óndiristik kásiporyndardy ashý úshin 52 gektar aýmaqta Badam indýstrialdy aimaǵy qurylǵan. Aimaqta 15,9 mlrd teńgeni quraityn 5 investitsiialyq joba iske asyrylǵan. Gipsokarton buiymdaryn óndirý, armatýra shyǵarý, qorǵasyn óndirý, toqyma fabrikasyn qurý sekildi 6 jobanyń qurylys jumystary júrgizilip jatyr.
