فوتو: اشىق دەرەككٶز
ورداباسى اۋدانىندا قولايلى ينۆەستيتسييالىق كليمات قۇرۋ جەنە ەكونوميكاداعى ٶنەركەسٸپ سالاسىن ودان ەرٸ دامىتۋعا تولىق مٷمكٸندٸك بار. ەندٸ مۇناي-حيمييالىق كلاستەردٸ دامىتۋ, ارنايى يندۋستريالدى ايماقتاردى ۇلعايتۋ ٷشٸن ٶڭدەۋشٸ ٶنەركەسٸپكە شەتەل كومپانييالارىن تارتۋعا باسىمدىق بەرٸلەدٸ, دەپ حابارلايدى «ۇلت اقپارات».
اۋداندا جاڭا ٶندٸرٸستٸك كەسٸپورىنداردى اشۋ ٷشٸن 52 گەكتاردى قۇرايتىن ينفراقۇرىلىممەن قامتىلعان بادام يندۋستريالدى ايماعى قۇرىلعان.
جىل باسىنان بەرٸ ورداباسى اۋدانىنىڭ جالپى ٶنٸم كٶلەمٸ 64,3 ملرد. تەڭگەنٸ قۇرادى. ٶڭٸرلٸك ٶنٸمنٸڭ قۇرىلىمى اۋىل شارۋاشىلىعى, ٶنەركەسٸپ, قۇرىلىس سالالارىنا تيەسٸلٸ. اۋداننىڭ ەلەۋمەتتٸك-ەكونوميكالىق دامۋى كٶلەمٸن 2030 جىلعا 2 ەسەگە ارتتىرۋ جوسپارلانىپ وتىر. جالپى 2024-2030 جىلدارى ينۆەستيتسييا قۇنى 214,6 ملرد تەڭگەنٸ قۇرايتىن ٶنەركەسٸپ, اۋىل شارۋاشىلىعى, كەسٸپكەرلٸك, تۋريزم سالالارى بويىنشا 79 ٸرٸ جوبا ٸسكە اسىرىلادى دەپ كٷتٸلۋدە. ال ودان تٷسەتٸن سالىق بولجاممەن 5 ملرد 733 ملن تەڭگەنٸ قۇراماق. نەتيجەسٸندە 4 226 جۇمىس ورنى اشىلادى.
دارحان ساتىبالدى, تٷركٸستان وبلىسىنىڭ ەكٸمٸ: «مەملەكەت باسشىسىنىڭ الدىمىزعا قويعان مٸندەتٸ – ٶمٸر سٷرۋ ساپاسىن جاقسارتۋ. ەكٸمدەردٸڭ جۇمىسى حالىقتىڭ ەل-اۋقاتىنا بايلانىستى باعالانادى. وسى باعىتتا جان-جاقتى مٷمكٸندٸكتەردٸ پايدالانىپ, جۇمىستى جانداندىرۋ كەرەك. ٶندٸرٸس ورىندارىن كٶبەيتۋ ٷشٸن, قايتا ٶڭدەۋدٸ دامىتۋ ٷشٸن. اۋداندا جاڭا زاۋىت, فابريكالاردى كٶپتەپ اشىپ, تۇرالاپ قالعان كەسٸپورىنداردى قايتا اياعىنان تۇرعىزۋعا كٷش سالۋ كەرەك. ٶنٸم كٶلەمٸن ارتتىرىپ, جەرگٸلٸكتٸ ٶنٸمدٸ ەكسپورتقا شىعارۋدى جولعا قويۋ كەرەك. جىلىجايلاردىڭ اۋماعىن ارتتىرۋ قاجەت. ساۋىقتىرۋ تۋريزمٸن دامىتۋ ماڭىزدى. ەزٸرگە جۇمىس ەلسٸز. بۇل باعىتتا زەرتتەۋ جۇمىستارىن جٷرگٸزۋ قاجەت. جٷيەلٸ جۇمىس, باعىت كەرەك. ٸزدەنۋ كەرەك».
ٶڭٸردەگٸ ٶنەركەسٸپ ٶنٸم كٶلەمٸ 7 ايدىڭ قورىتىندىسىمەن 8,2 پايىزعا ارتىپ, 21,4 ملرد تەڭگەنٸ قۇرادى. جىل سوڭىنا دەيٸن 37,5 ملرد تەڭگەگە جەتٸپ, ٶسٸم 11,6% ارتادى دەپ كٷتٸلۋدە. 2024-2030 جىلدار ارالىعىندا قۇنى 168,8 ملرد تەڭگەنٸ قۇرايتىن 24 جوبا جٷزەگە اسىرىلىپ, 2 749 جۇمىس ورنى اشىلادى دەپ جوسپارلانۋدا.
ازات ورالباەۆ, ورداباسى اۋدانىنىڭ ەكٸمٸ: «اۋىل شارۋاشىلىعى سالاسىندا ٶسٸمدٸك شارۋاشىلىعىن دامىتۋ, مال, قۇس, بالىق شارۋاشىلىعىن دامىتۋ بويىنشا 4 باعىتتا دامىتۋ جوسپارلانعان. 2024 جىلدىڭ 7 ايىندا 23,6 ملرد تەڭگەنٸڭ ٶنٸمٸ ٶندٸرٸلٸپ, جىل قورىتىندىسىمەن 83,2 ملرد تەڭگەنٸڭ ٶنٸمٸن ٶندٸرۋ جوسپارلانعان. كەلەر جىلعا ٶنٸم كٶلەمٸ 94,6 ملرد تەڭگەگە جەتكٸزۋ جوسپارلاندى. اۋداندا 71 مىڭ 600 گەكتار جەرگە اۋىل شارۋاشىلىعى داقىلدارى ورنالاستىرىلىپ, 413 مىڭ توننا ٶنٸم جيناۋ مەجەلەنگەن».
ورداباسى اۋدانىندا جاڭا ٶندٸرٸستٸك كەسٸپورىنداردى اشۋ ٷشٸن 52 گەكتار اۋماقتا بادام يندۋستريالدى ايماعى قۇرىلعان. ايماقتا 15,9 ملرد تەڭگەنٸ قۇرايتىن 5 ينۆەستيتسييالىق جوبا ٸسكە اسىرىلعان. گيپسوكارتون بۇيىمدارىن ٶندٸرۋ, ارماتۋرا شىعارۋ, قورعاسىن ٶندٸرۋ, توقىما فابريكاسىن قۇرۋ سەكٸلدٸ 6 جوبانىڭ قۇرىلىس جۇمىستارى جٷرگٸزٸلٸپ جاتىر.
