Túrkistan oblysy, Ordabasy aýdanynda 100 jyldyq tarihy bar arba tabyldy, dep habarlaidy QazAqparat.
Shubar aýylyndaǵy Arys ózeni jaǵalaýynan tabylǵan arba HIH-HH ǵasyrǵa tiesili eken. Shamamen ótken ótken ǵasyrdyń 1920/1940 jyldar aralyǵynda paidalanylǵan.
«Qazir saz balshyǵyn tazalap retke keltirip jatyrmyz. Bul arbany zertteý úshin, qalpyna keltirý úshin mamandar kerek. Sondyqtan «Otyrar» mýzeiine hat jazyp, kelisýdemiz» - deidi oblystyq Qajymuqan sport mýzeiiniń sektor meńgerýshisi Erik Áshirbekov.
Arbany Arys ózenine balyq aýlaýǵa barǵan Bekbosyn Bahytjan esimdi aýyl turǵyny taýyp alypty. Sý deńgeii tómen túskendikten bir dóńgelegi kórinip jatqan. Muny baiqaǵan turǵyn birden mýzei qyzmetkerlerin shaqyrtqan.
«Alǵashqyda baryp kórdik, sýretke túsirip aldyq. Keiinnen jaǵaǵa shyǵardyq. 4 dóńgelekti satyly aǵash arba eken. Biraq eki-aq dóńgelegi men beldemshesi ǵana qalǵan. Sýdan shyǵarǵan sátimizde taǵy bir dóńgelegi synyp ketti»- deidi Erik Áshirbekov.
Qazirgi kezde tarihi arba tarihi sáýlettik eskertkish Ishan-Bazar Aqmeshit mýzeiinde saqtaýly tur.
