تٷركٸستان وبلىسى, ورداباسى اۋدانىندا 100 جىلدىق تاريحى بار اربا تابىلدى, دەپ حابارلايدى قازاقپارات.
شۇبار اۋىلىنداعى ارىس ٶزەنٸ جاعالاۋىنان تابىلعان اربا حٸح-حح عاسىرعا تيەسٸلٸ ەكەن. شامامەن ٶتكەن ٶتكەن عاسىردىڭ 1920/1940 جىلدار ارالىعىندا پايدالانىلعان.
«قازٸر ساز بالشىعىن تازالاپ رەتكە كەلتٸرٸپ جاتىرمىز. بۇل اربانى زەرتتەۋ ٷشٸن, قالپىنا كەلتٸرۋ ٷشٸن ماماندار كەرەك. سوندىقتان «وتىرار» مۋزەيٸنە حات جازىپ, كەلٸسۋدەمٸز» - دەيدٸ وبلىستىق قاجىمۇقان سپورت مۋزەيٸنٸڭ سەكتور مەڭگەرۋشٸسٸ ەرٸك ەشٸربەكوۆ.
اربانى ارىس ٶزەنٸنە بالىق اۋلاۋعا بارعان بەكبوسىن باحىتجان ەسٸمدٸ اۋىل تۇرعىنى تاۋىپ الىپتى. سۋ دەڭگەيٸ تٶمەن تٷسكەندٸكتەن بٸر دٶڭگەلەگٸ كٶرٸنٸپ جاتقان. مۇنى بايقاعان تۇرعىن بٸردەن مۋزەي قىزمەتكەرلەرٸن شاقىرتقان.
«العاشقىدا بارىپ كٶردٸك, سۋرەتكە تٷسٸرٸپ الدىق. كەيٸننەن جاعاعا شىعاردىق. 4 دٶڭگەلەكتٸ ساتىلى اعاش اربا ەكەن. بٸراق ەكٸ-اق دٶڭگەلەگٸ مەن بەلدەمشەسٸ عانا قالعان. سۋدان شىعارعان سەتٸمٸزدە تاعى بٸر دٶڭگەلەگٸ سىنىپ كەتتٸ»- دەيدٸ ەرٸك ەشٸربەكوۆ.
قازٸرگٸ كەزدە تاريحي اربا تاريحي سەۋلەتتٸك ەسكەرتكٸش يشان-بازار اقمەشٸت مۋزەيٸندە ساقتاۋلى تۇر.
