Foto: QR TJM
Túrkistan oblysynyń Jetisai aýdanynda oryn alǵan qaiǵyly órt saldarynan 12 adam kóz jumdy. Marqumdardyń toǵyzy - balalar. Bul týraly aqparatty oblystyq TJD rastady, dep habarlaidy Ult.kz.
Oqiǵa 18 qarasha kúni tańerteń Alǵabas aýylyndaǵy eki qabatty jeke turǵyn úiden shyqqan. Oqiǵa ornyna kelgen órt sóndirýshiler úidiń tolyqtai otqa oranǵanyn anyqtaǵan.
«Órtti sóndirý jáne barlaý kezinde úiden es-tússiz jatqan úsh adam evakýatsiialanyp, jedel járdem qyzmetine tapsyryldy. Úi ishinen 12 adamnyń múrdesi tabyldy, olardyń 9-y – bala», – delingen vedomstvo habarlamasynda.
Kórshilerdiń aitýynsha, órt shyqqan úide qonaqtar bolǵan, sebebi aldyńǵy kúni úi ieleri shara ótkizgen.
Órt 360 sharshy metr aýmaqta tolyqtai sóndirildi. Oqiǵa ornynda barlyq jedel qyzmet jumys istep jatyr. Qaiǵyly jaǵdaidyń sebepteri anyqtalýda.
Prezident Qasym-Jomart Toqaev qaza tapqandardyń otbasyna kóńil aityp, Úkimet pen oblys ákimine zardap shekkenderdiń týystaryna qajetti kómekti kórsetý jáne bolǵan jaǵdaidyń sebepterin tolyq tekserýdi tapsyrdy.
