فوتو: قر تجم
تٷركٸستان وبلىسىنىڭ جەتٸساي اۋدانىندا ورىن العان قايعىلى ٶرت سالدارىنان 12 ادام كٶز جۇمدى. مارقۇمداردىڭ توعىزى - بالالار. بۇل تۋرالى اقپاراتتى وبلىستىق تجد راستادى, دەپ حابارلايدى Ult.kz.
وقيعا 18 قاراشا كٷنٸ تاڭەرتەڭ العاباس اۋىلىنداعى ەكٸ قاباتتى جەكە تۇرعىن ٷيدەن شىققان. وقيعا ورنىنا كەلگەن ٶرت سٶندٸرۋشٸلەر ٷيدٸڭ تولىقتاي وتقا ورانعانىن انىقتاعان.
«ٶرتتٸ سٶندٸرۋ جەنە بارلاۋ كەزٸندە ٷيدەن ەس-تٷسسٸز جاتقان ٷش ادام ەۆاكۋاتسييالانىپ, جەدەل جەردەم قىزمەتٸنە تاپسىرىلدى. ٷي ٸشٸنەن 12 ادامنىڭ مٷردەسٸ تابىلدى, ولاردىڭ 9-ى – بالا», – دەلٸنگەن ۆەدومستۆو حابارلاماسىندا.
كٶرشٸلەردٸڭ ايتۋىنشا, ٶرت شىققان ٷيدە قوناقتار بولعان, سەبەبٸ الدىڭعى كٷنٸ ٷي يەلەرٸ شارا ٶتكٸزگەن.
ٶرت 360 شارشى مەتر اۋماقتا تولىقتاي سٶندٸرٸلدٸ. وقيعا ورنىندا بارلىق جەدەل قىزمەت جۇمىس ٸستەپ جاتىر. قايعىلى جاعدايدىڭ سەبەپتەرٸ انىقتالۋدا.
پرەزيدەنت قاسىم-جومارت توقاەۆ قازا تاپقانداردىڭ وتباسىنا كٶڭٸل ايتىپ, ٷكٸمەت پەن وبلىس ەكٸمٸنە زارداپ شەككەندەردٸڭ تۋىستارىنا قاجەتتٸ كٶمەكتٸ كٶرسەتۋ جەنە بولعان جاعدايدىڭ سەبەپتەرٸن تولىق تەكسەرۋدٸ تاپسىردى.
