Foto: ashyq derekkóz
Túrkistan oblysy Tórtkúl aýylynda 16 jastaǵy jasóspirim qyzdyń qaza bolýyna bailanysty qozǵalǵan qylmystyq is boiynsha sot protsesi jabyq formatta ótetin boldy, dep habarlaidy Ult.kz POLITICO.KZ saityna silteme jasap.
Tergeý materialdaryna sáikes, is «Adam óltirý», «Zorlaý» jáne «Zorlyq áreketter jasaý» baptary boiynsha qaralýda. Túrkistan oblystyq sotynyń baspasóz hatshysy Zamanbek Ismaildyń otyrar.kz portalyna habarlaýynsha, sot Qylmystyq-protsestik kodekstiń 29-babynyń 1-bóligine súiene otyryp, sot otyrysyn jabyq túrde ótkizýdi oryndy dep sanaǵan. Bul sheshim kámeletke tolmaǵan jábirlenýshiniń jeke ómiri men moraldyq qundylyqtaryn qorǵaý maqsatynda qabyldanǵan.
Qaiǵyly oqiǵa 2025 jyldyń 5-inen 6-maýsymǵa qaraǵan túni bolǵan. Aýyl turǵyndarynyń aitýynsha, qyz keshki ýaqytta dúkennen úiine qaityp kele jatqan sátte joǵalyp ketken. Týystary men aýyldastary politsiiamen birge ony túni boiy izdep, tańerteń ǵana onyń denesin jol jiegindegi balabaqsha qorshaýynyń janynan tapqan. Bul oqiǵa búkil óńir jurtshylyǵyn dúr silkindirip, qoǵamda jasóspirimderdiń qaýipsizdigi men jaýapkershilik máselesine qatysty keń talqylaý týǵyzdy.
Qazirgi tańda is boiynsha tergeý men sot talqylaýy jalǵasýda. Tergeý organdary men prokýratýra istiń tolyq ári ádil qaralýyna kepildik berip, qoǵamǵa resmi aqparatty tek zańdy arnalar arqyly ǵana taratýdy suraýda.
