فوتو: اشىق دەرەككٶز
تٷركٸستان وبلىسى تٶرتكٷل اۋىلىندا 16 جاستاعى جاسٶسپٸرٸم قىزدىڭ قازا بولۋىنا بايلانىستى قوزعالعان قىلمىستىق ٸس بويىنشا سوت پروتسەسٸ جابىق فورماتتا ٶتەتٸن بولدى, دەپ حابارلايدى Ult.kz POLITICO.KZ سايتىنا سٸلتەمە جاساپ.
تەرگەۋ ماتەريالدارىنا سەيكەس, ٸس «ادام ٶلتٸرۋ», «زورلاۋ» جەنە «زورلىق ەرەكەتتەر جاساۋ» باپتارى بويىنشا قارالۋدا. تٷركٸستان وبلىستىق سوتىنىڭ باسپاسٶز حاتشىسى زامانبەك يسمايلدىڭ otyrar.kz پورتالىنا حابارلاۋىنشا, سوت قىلمىستىق-پروتسەستٸك كودەكستٸڭ 29-بابىنىڭ 1-بٶلٸگٸنە سٷيەنە وتىرىپ, سوت وتىرىسىن جابىق تٷردە ٶتكٸزۋدٸ ورىندى دەپ ساناعان. بۇل شەشٸم كەمەلەتكە تولماعان جەبٸرلەنۋشٸنٸڭ جەكە ٶمٸرٸ مەن مورالدىق قۇندىلىقتارىن قورعاۋ ماقساتىندا قابىلدانعان.
قايعىلى وقيعا 2025 جىلدىڭ 5-ٸنەن 6-ماۋسىمعا قاراعان تٷنٸ بولعان. اۋىل تۇرعىندارىنىڭ ايتۋىنشا, قىز كەشكٸ ۋاقىتتا دٷكەننەن ٷيٸنە قايتىپ كەلە جاتقان سەتتە جوعالىپ كەتكەن. تۋىستارى مەن اۋىلداستارى پوليتسييامەن بٸرگە ونى تٷنٸ بويى ٸزدەپ, تاڭەرتەڭ عانا ونىڭ دەنەسٸن جول جيەگٸندەگٸ بالاباقشا قورشاۋىنىڭ جانىنان تاپقان. بۇل وقيعا بٷكٸل ٶڭٸر جۇرتشىلىعىن دٷر سٸلكٸندٸرٸپ, قوعامدا جاسٶسپٸرٸمدەردٸڭ قاۋٸپسٸزدٸگٸ مەن جاۋاپكەرشٸلٸك مەسەلەسٸنە قاتىستى كەڭ تالقىلاۋ تۋعىزدى.
قازٸرگٸ تاڭدا ٸس بويىنشا تەرگەۋ مەن سوت تالقىلاۋى جالعاسۋدا. تەرگەۋ ورگاندارى مەن پروكۋراتۋرا ٸستٸڭ تولىق ەرٸ ەدٸل قارالۋىنا كەپٸلدٸك بەرٸپ, قوعامعا رەسمي اقپاراتتى تەك زاڭدى ارنالار ارقىلى عانا تاراتۋدى سۇراۋدا.
