Túrkistan oblysynda júk kóliginiń júrgizýshisi rólde uiyqtap ketip, júk kótergish kranǵa soǵyldy, - dep habarlaidy Tengrinews.kz tilshisi Polisia.kz saityna silteme jasap.
Oqiǵa 1 sáýirde Túrkistan oblysy Saýran aýdany aýmaǵynda Shymkent-Samara tasjolynyń 135-shaqyrymynda bolǵan. Politsiia málimetinshe, bir baǵytta kele jatqan Renault Magnum krany men Volvo júk kóligi soqtyǵysqan.
"25 tonnalyq Renault Magnum aýyr júk kóliginiń sońynan kele jatqan Volvo júrgizýshisi rólde uiyqtap ketip, júk kótergish kranǵa soǵyldy. Saldarynan tirkemede turǵan avtokran aýdarylǵan. Osy mańda patrýldik qyzmette júrgen Túrkistan oblysy Patrýldik politsiia batalonynyń qyzmetkerleri oqiǵa ornyna dereý jetip, júrgizýshilerge kómektesti. Reseilik nómirli Volvo júk kóligi tizgininde Resei azamaty bolǵan. Eki júrgizýshi de zardap shekken joq", - delingen habarlamada.
