Túrkistan oblysy, Sairam aýdanynda «Máńgilik el jyrlaidy» respýblikalyq aqyndar aitysy ótti. Jyr dodasy el Táýelsizdiginiń 30 jyldyǵyna orai uiymdastyryldy, dep habarlaidy QazAqparat.
Ulttyń uly tulǵalary – Jambyl Jabaev, Álihan Bókeihanov, kúsh atasy Qajymuqan, sondai-aq Dina Nurpeiisova, Ybyrai Altynsarinniń mereili jyldaryn jyrǵa qosqan aqyndar aitysty saǵynǵan kórermenin bir serpiltti. Táýelsizdiktiń qadir-qasietin ulyqtap, el mereiin ústem etti.
Tańerteńnen bastalǵan retro aitysta 4 jup óner kórsetip, alamannyń qorytyndysynda bas júldeni Túrkistannyń tarlany Bekarys Shoibekov ielendi. Birinshi oryn Serik Qalievke buiyrsa, ekinshi oryndy Anar Japparqulova jeńip aldy. Al úshinshi oryndy Aibek Qaliev mise tutty. Aitystyń arnaiy júldeleri Kárima Oralova, Aqmaral Leýbaeva, Marjan Esjanova, Bóribai Orazymbetke berildi.
Qazylar alqasynyń tóraǵasy, jazýshy, «Alash» syilyǵynyń iegeri Marhabat Baiǵut júreginen jyr tógip, halqyn qýantqan aqyndarǵa shynaiy alǵysyn bildirdi.
