تٷركٸستان وبلىسى, سايرام اۋدانىندا «مەڭگٸلٸك ەل جىرلايدى» رەسپۋبليكالىق اقىندار ايتىسى ٶتتٸ. جىر دوداسى ەل تەۋەلسٸزدٸگٸنٸڭ 30 جىلدىعىنا وراي ۇيىمداستىرىلدى, دەپ حابارلايدى قازاقپارات.
ۇلتتىڭ ۇلى تۇلعالارى – جامبىل جاباەۆ, ەليحان بٶكەيحانوۆ, كٷش اتاسى قاجىمۇقان, سونداي-اق دينا نۇرپەيٸسوۆا, ىبىراي التىنساريننٸڭ مەرەيلٸ جىلدارىن جىرعا قوسقان اقىندار ايتىستى ساعىنعان كٶرەرمەنٸن بٸر سەرپٸلتتٸ. تەۋەلسٸزدٸكتٸڭ قادٸر-قاسيەتٸن ۇلىقتاپ, ەل مەرەيٸن ٷستەم ەتتٸ.
تاڭەرتەڭنەن باستالعان رەترو ايتىستا 4 جۇپ ٶنەر كٶرسەتٸپ, الاماننىڭ قورىتىندىسىندا باس جٷلدەنٸ تٷركٸستاننىڭ تارلانى بەكارىس شويبەكوۆ يەلەندٸ. بٸرٸنشٸ ورىن سەرٸك قاليەۆكە بۇيىرسا, ەكٸنشٸ ورىندى انار جاپپارقۇلوۆا جەڭٸپ الدى. ال ٷشٸنشٸ ورىندى ايبەك قاليەۆ مٸسە تۇتتى. ايتىستىڭ ارنايى جٷلدەلەرٸ كەريما ورالوۆا, اقمارال لەۋباەۆا, مارجان ەسجانوۆا, بٶرٸباي ورازىمبەتكە بەرٸلدٸ.
قازىلار القاسىنىڭ تٶراعاسى, جازۋشى, «الاش» سىيلىعىنىڭ يەگەرٸ مارحابات بايعۇت جٷرەگٸنەن جىر تٶگٸپ, حالقىن قۋانتقان اقىندارعا شىنايى العىسىن بٸلدٸردٸ.
