"Qazaq arýy–2024" ulttyq baiqaýynyń jeńimpazy Aqkerbez Ysqaqqyzy syrǵalym atandy. Onyń súiiktisi, erkin kúres balýany Ákejan Aitbekov arýǵa úilenýge usynys jasap, kelisimin alǵan, dep habarlaidy ult.kz.
Aqkerbez ómirindegi qýanyshty sátti áleýmettik jelidegi oqyrmandarymen bólisti. Ol súiiktisiniń usynysyn qabyl alǵanyn aityp, erekshe sezimin jetkizdi.
"Million ret iá! Sheksiz baqyttymyn", – dep jazdy arý.
Aqkerbezdiń tańdaýy túsken Ákejan Aitbekov – erkin kúresten 97 keli salmaq dárejesinde óner kórsetetin sportshy. Ol respýblikalyq jáne halyqaralyq jarystarda birneshe márte júldeger atanǵan.
Ál-Farabi atyndaǵy Qazaq ulttyq ýniversitetiniń málimetinshe, Ákejan 2023 jyly II Túrki ýniversiadasynda altyn medal jeńip alǵan. Sol jyly "Suńqar–2023. Stýdenttik sport juldyzdary" respýblikalyq baiqaýynda "Úzdik stýdent-sportshy" atanǵan. Al 2025 jyly Qyrǵyzstanda ótken III Túrki ýniversiadasynda 97 keli salmaqta kúmis júldege ie bolǵan. Bul týraly Qazaq sport jáne týrizm akademiiasy habarlaǵan.
Aita keteiik, Aqkerbez Ysqaqqyzy Qyzylorda oblysynyń Shieli aýdanynda dúniege kelgen. Ol 2024 jyly "Qazaq arýy" ulttyq baiqaýynda jeńiske jetip, kópshilikke tanyldy. Sondai-aq ál-Farabi atyndaǵy Qazaq ulttyq ýniversitetinde halyqaralyq qatynastar mamandyǵy boiynsha bilim alatynyn aitqan.
