Foto: ashyq derekkóz
Túrkistan oblysynda nóser jaýyn saldarynan ózen tasyp, ýaqytsha kópirlerdi shaiyp ketti. Oqiǵa Tóle bi aýdanyndaǵy Aqmeshit aýylynyń týristik aimaǵynda bolǵan, dep dep habarlaidy Ult.kz.
1 mamyr kúni Tótenshe jaǵdailar ministrliginiń málimetinshe, Aqmeshit ózenindegi sý deńgeii kúrt kóterilip, demalys jáne piknik aimaqtaryn jalǵap turǵan eki ýaqytsha kópirdi aǵyzyp áketken. Sondai-aq Ekpindi aýylyndaǵy ótkelge zaqym kelgen.
Oqiǵa ornyna jedel jetken qutqarýshylar Ekpindi aýylynan 11 adamdy, onyń ishinde 7 balany qaýipsiz jerge shyǵardy. Al demalys aimaǵynan 70 adam evakýatsiialandy, olardyń 20-sy – balalar.
Qazirgi tańda ýaqytsha ótkel uiymdastyrý úshin arnaiy tehnika jumyldyrylǵan. Zardap shekkender joq, meditsinalyq kómekke júgingender tirkelmegen.
Oqiǵa ornynda TJM, "Qazseldenqorǵaý", politsiia jáne jergilikti atqarýshy organdar jumys istep jatyr.
