Túrkistan oblysynda 10 kúnde 170-ke jýyq toidy tarqatýǵa týra kelgen, dep habarlaidy "Ult aqparat".
Oblys ákimi Ómirzaq Shókeevtiń tóraǵalyǵymen ótken lezdemelik májiliste oblys aýmaǵyndaǵy koronavirýs infektsiiasy men sanitarlyq-epidemiologiialyq jaǵdai týraly sońǵy málimetter ortaǵa salyndy.
Sońǵy 10 kúnniń ishinde Túrkistan oblysynda karantin kezinde tyǵylyp jasalǵan 169 toi toqtatyldy.
Tyiym salynǵan otbasylyq, merekelik is-sharalardyń 117-si qoǵamdyq tamaqtaný oryndarynda, qalǵany úi jaǵdaiynda ótkizilgen.
Oblys ákiminiń tapsyrmasyna sáikes, óńirde mobildik toptardyń jumysy kúsheitildi. Jasyryn toi ótkizgenderge aiyppul salyndy.
Toi ieleriniń ústinen ákimshilik quqyq buzýshylyq týraly hattama toltyrylǵan.
Túrkistan oblysy koronavirýsqa qarsy vaktsinatsiia qarqyny boiynsha respýblikada joǵary deńgeide.
Vaktsinany saqtaý jáne tasymaldaý sharttary saqtala otyryp, jalpy 141 egý pýnktterinde koronavirýsqa qarsy vaktsinatsiia júrgizilip jatyr.
Kóshpeli ekpe brigadalarynyń sany - 80.
Túrkistan oblysyna qarasty vaktsina saqtaityn qoimasynda kólemi 300 litr quraityn 2 dana muzdatqysh (-20oS) bar.
Sonymen qatar, oblystyq biýdjet esebinen kólemi 143 litr quraityn 20 muzdatqysh, 601 litrlik 2 muzdatqysh satyp alynyp, tolyq jetkizildi.
Aýrýhanalardaǵy dárilik zattar qory jetkilikti.
