Túrkistan oblysynda 200-ge jýyq meditsina qyzmetkeri Táýelsizdik merekesine orai marapattalyp, bir ailyq jalaqy kóleminde syiaqy aldy. 8 dárigerge memlekettik ordender tabystaldy.
Oblystyń meditsina salasynyń damýyna zor úles qosyp júrgen dárigerlerdi Túrkistan oblystyq densaýlyq saqtaý basqarmasynyń basshysy Muqan Egizbaev quttyqtap, alǵys hattar tabystady. Atap aitqanda oblystyq klinikalyq aýrýhananyń bólim meńgerýshisi Nazira Jarqynbekova «Qurmet» ordenimen marapattaldy. Al, Shardara aýdandyq ortalyq aýrýhananyń bas dárigeri Janar Ospanova men Túrkistan qalalyq ortalyq aýrýhanasynyń bólim meńgerýshisi Kamagúl Musaqojaeva Túrkistan oblysynyń ákimi Janseiit Túimebaevtyń qolynan «Eren eńbegi úshin» medaline ie boldy.
Sonymen qatar oblystyq klinikalyq aýrýhananyń dáriger- transfýziology Amalbek Belgibaev pen Qazyǵurt aýdandyq ortalyq aýrýhanasy bas dárigeriniń orynbasary Aikúl Aqynǵazieva, pediatr dárigeri Naýsharman Boranbaeva men Túlkibas aýdandyq ortalyq aýrýhanasynyń dárigeri Bahytjan Kúzembaev, Ordabasy aýdandyq ortalyq aýrýhanasynyń bólim meńgerýshisi Saltanat Seitova «Shapaǵat» medaldarymen marapattaldy.
Oblystyq densaýlyq saqtaý mekemeleriniń 50 - ge tarta qyzmetkeri Qazaqstan Respýblikasy Densaýlyq saqtaý ministrligi tarapynan úlken marapattarǵa ie boldy. Birqataryna oblys ákiminiń Qurmet gramotasy men Alǵys hattary, oblystyq máslihattyń gramotalary men «Nur Otan» partiiasynyń Qurmet gramotalary tabystaldy.
Sondai- aq, 16 maman «Qazaqstan Respýblikasynyń densaýlyq saqtaý úzdigi» tósbelgisimen marapattaldy. 17 dáriger «Qazaqstan Respýblikasynyń densaýlyq saqtaý isine qosqan úlesi úshin» tósbelgilerin taqty. Budan ózge 7 dáriger «Eńbek ardageri» tósbelgisin taqty. Olarǵa QR Densaýlyq saqtaý ministriniń Qurmet gramotasy men Alǵys hattary tabys etildi.
