تٷركٸستان وبلىسىندا 200-گە جۋىق مەديتسينا قىزمەتكەرٸ تەۋەلسٸزدٸك مەرەكەسٸنە وراي ماراپاتتالىپ, بٸر ايلىق جالاقى كٶلەمٸندە سىياقى الدى. 8 دەرٸگەرگە مەملەكەتتٸك وردەندەر تابىستالدى.
وبلىستىڭ مەديتسينا سالاسىنىڭ دامۋىنا زور ٷلەس قوسىپ جٷرگەن دەرٸگەرلەردٸ تٷركٸستان وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگٸزباەۆ قۇتتىقتاپ, العىس حاتتار تابىستادى. اتاپ ايتقاندا وبلىستىق كلينيكالىق اۋرۋحانانىڭ بٶلٸم مەڭگەرۋشٸسٸ نازيرا جارقىنبەكوۆا «قۇرمەت» وردەنٸمەن ماراپاتتالدى. ال, شاردارا اۋداندىق ورتالىق اۋرۋحانانىڭ باس دەرٸگەرٸ جانار وسپانوۆا مەن تٷركٸستان قالالىق ورتالىق اۋرۋحاناسىنىڭ بٶلٸم مەڭگەرۋشٸسٸ كاماگٷل مۇساقوجاەۆا تٷركٸستان وبلىسىنىڭ ەكٸمٸ جانسەيٸت تٷيمەباەۆتىڭ قولىنان «ەرەن ەڭبەگٸ ٷشٸن» مەدالٸنە يە بولدى.
سونىمەن قاتار وبلىستىق كلينيكالىق اۋرۋحانانىڭ دەرٸگەر- ترانسفۋزيولوگى امالبەك بەلگٸباەۆ پەن قازىعۇرت اۋداندىق ورتالىق اۋرۋحاناسى باس دەرٸگەرٸنٸڭ ورىنباسارى ايكٷل اقىنعازيەۆا, پەدياتر دەرٸگەرٸ ناۋشارمان بورانباەۆا مەن تٷلكٸباس اۋداندىق ورتالىق اۋرۋحاناسىنىڭ دەرٸگەرٸ باحىتجان كٷزەمباەۆ, ورداباسى اۋداندىق ورتالىق اۋرۋحاناسىنىڭ بٶلٸم مەڭگەرۋشٸسٸ سالتانات سەيتوۆا «شاپاعات» مەدالدارىمەن ماراپاتتالدى.
وبلىستىق دەنساۋلىق ساقتاۋ مەكەمەلەرٸنٸڭ 50 - گە تارتا قىزمەتكەرٸ قازاقستان رەسپۋبليكاسى دەنساۋلىق ساقتاۋ مينيسترلٸگٸ تاراپىنان ٷلكەن ماراپاتتارعا يە بولدى. بٸرقاتارىنا وبلىس ەكٸمٸنٸڭ قۇرمەت گراموتاسى مەن العىس حاتتارى, وبلىستىق مەسليحاتتىڭ گراموتالارى مەن «نۇر وتان» پارتيياسىنىڭ قۇرمەت گراموتالارى تابىستالدى.
سونداي- اق, 16 مامان «قازاقستان رەسپۋبليكاسىنىڭ دەنساۋلىق ساقتاۋ ٷزدٸگٸ» تٶسبەلگٸسٸمەن ماراپاتتالدى. 17 دەرٸگەر «قازاقستان رەسپۋبليكاسىنىڭ دەنساۋلىق ساقتاۋ ٸسٸنە قوسقان ٷلەسٸ ٷشٸن» تٶسبەلگٸلەرٸن تاقتى. بۇدان ٶزگە 7 دەرٸگەر «ەڭبەك ارداگەرٸ» تٶسبەلگٸسٸن تاقتى. ولارعا قر دەنساۋلىق ساقتاۋ مينيسترٸنٸڭ قۇرمەت گراموتاسى مەن العىس حاتتارى تابىس ەتٸلدٸ.
