Ordabasy APB-ne aryzdanyp kelgen jergilikti turǵyn óziniń qus ósiretin fabrikasyna belgisiz bireýler urlyqqa túsip, 102 dana kúrketaýyǵyn jymqyryp ketkenin aitqan, dep habarlaidy "Ult aqparat" Túrkistan oblysy Politsiia departamentiniń baspasóz qyzmetine silteme jasap.
Urlanǵan kúrketaýyqtyń árqaisysynyń quny 11 myń teńgeni quraidy. Jábirlenýshige keltirilgen shyǵynnyń jalpy kólemi 1 million teńgeden astam.
Atalǵan jaitty ordabasylyq politseiler QR QK 188-babynyń 3-bóligi «Urlyq» boiynsha tirkep, izdestirý jumystaryna kiristi.
Urylardy ustaýǵa jedel tergeý toby quryldy. Politsiia qyzmetkerleri jan-jaqty tekserý jumystaryn júrgizdi. Kórgen-bilgenderden jaýap aldy. Nátijesinde tártip saqshylary aqparat kózderi men beinekamera arqyly 2 kúdiktini qolǵa túsirdi. Kúdiktiler Badam aýylynyń turǵyndary bolyp shyqty. Qazirgi tańda urylarǵa qatysty tergeý amaldary júrgizilýde.
Tergeý barysynda anyqtalǵandai, atalǵan 2 kúdikti urlyqty josparly túrde uiymdastyrǵan. Sonymen qatar kúdiktiler bul iske basqa sybailas 2 azamattyń qatysy baryn aitty. Sondai-aq politseiler qylmysty túngi 4:00 shamasynda jasaǵandary belgili boldy. Búgingi tańda 2 kúdikti qamaýda. Onyń biri buryn QR QK-niń 293-baby «Buzaqylyq» boiynsha qylmys jasap, sotty bolǵan. Qazirgi tańda kúdiktilerdiń sybailastaryna qatysty izdestirý amaldary júrýde.
