ورداباسى اپب-نە ارىزدانىپ كەلگەن جەرگٸلٸكتٸ تۇرعىن ٶزٸنٸڭ قۇس ٶسٸرەتٸن فابريكاسىنا بەلگٸسٸز بٸرەۋلەر ۇرلىققا تٷسٸپ, 102 دانا كٷركەتاۋىعىن جىمقىرىپ كەتكەنٸن ايتقان, دەپ حابارلايدى "ۇلت اقپارات" تٷركٸستان وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
ۇرلانعان كٷركەتاۋىقتىڭ ەرقايسىسىنىڭ قۇنى 11 مىڭ تەڭگەنٸ قۇرايدى. جەبٸرلەنۋشٸگە كەلتٸرٸلگەن شىعىننىڭ جالپى كٶلەمٸ 1 ميلليون تەڭگەدەن استام.
اتالعان جايتتى ورداباسىلىق پوليتسەيلەر قر قك 188-بابىنىڭ 3-بٶلٸگٸ «ۇرلىق» بويىنشا تٸركەپ, ٸزدەستٸرۋ جۇمىستارىنا كٸرٸستٸ.
ۇرىلاردى ۇستاۋعا جەدەل تەرگەۋ توبى قۇرىلدى. پوليتسييا قىزمەتكەرلەرٸ جان-جاقتى تەكسەرۋ جۇمىستارىن جٷرگٸزدٸ. كٶرگەن-بٸلگەندەردەن جاۋاپ الدى. نەتيجەسٸندە تەرتٸپ ساقشىلارى اقپارات كٶزدەرٸ مەن بەينەكامەرا ارقىلى 2 كٷدٸكتٸنٸ قولعا تٷسٸردٸ. كٷدٸكتٸلەر بادام اۋىلىنىڭ تۇرعىندارى بولىپ شىقتى. قازٸرگٸ تاڭدا ۇرىلارعا قاتىستى تەرگەۋ امالدارى جٷرگٸزٸلۋدە.
تەرگەۋ بارىسىندا انىقتالعانداي, اتالعان 2 كٷدٸكتٸ ۇرلىقتى جوسپارلى تٷردە ۇيىمداستىرعان. سونىمەن قاتار كٷدٸكتٸلەر بۇل ٸسكە باسقا سىبايلاس 2 ازاماتتىڭ قاتىسى بارىن ايتتى. سونداي-اق پوليتسەيلەر قىلمىستى تٷنگٸ 4:00 شاماسىندا جاساعاندارى بەلگٸلٸ بولدى. بٷگٸنگٸ تاڭدا 2 كٷدٸكتٸ قاماۋدا. ونىڭ بٸرٸ بۇرىن قر قك-نٸڭ 293-بابى «بۇزاقىلىق» بويىنشا قىلمىس جاساپ, سوتتى بولعان. قازٸرگٸ تاڭدا كٷدٸكتٸلەردٸڭ سىبايلاستارىنا قاتىستى ٸزدەستٸرۋ امالدارى جٷرۋدە.
