Túrkistan oblysynyń koronavirýs infektsiiasynyń ekinshi tolqynyna daiyndyq barysy, partiiaishilik praimerizdiń nátijeleri, turaqtandyrý qorynyń azyq-túlik taýarlary baǵasynyń ósýine jol bermeýge áseri jáne Túrkistan ainalasyndaǵy «Jasyl beldeýdi» damytý máseleleri óńir ákimi Ómirzaq Shókeevtiń tóraǵalyǵymen ótken lezdemelik májiliste qaraldy, dep habarlaidy "Ult aqparat".
Apparat otyrysynda «Nur Otan» partiiasy Túrkistan oblystyq filialy tóraǵasynyń birinshi orynbasary Beisen Tájibaev partiiaishilik praimeriz qoǵamda qyzý qoldaý tapqanyn baiandady. Irikteýge 1074 adam túsken. 1-4 qazan aralyǵynda ótken daýys berýge 245 bastaýysh partiia uiymynan 78 262 adamnyń 72 973-i qatysty. Oblystyń aýdan, qalalarynda ashylǵan 209 daýys berý oryndarynda karantin talaptary qatań saqtaldy.
Túrkistan oblysynda koronavirýstyń ekinshi tolqynyna daiyndyq kúsheidi. Indet qaita beleń alǵan jaǵdaida dári tapshylyǵy bolmas úshin eki ailyq qor jinalyp, oblys aýrýhanalary tynys alý apparattarymen qamtylýda. Qosymsha tósek-oryndar qajet bolǵan jaǵdaida onyń sany 5,5 myńǵa deiin jetkiziledi. Oblys basshysynyń tapsyrmasymen aýdandyq aýrýhanalar kompiýterlik tomograftarmen, PTR zerthanalarymen jáne tsifrlyq rentgendermen jabdyqtaldy. Ókpeni jasandy jeldetý apparattary men ottegi kontsentrattary da ár aýdandaǵy emdeý mekemelerine taratylǵan. 12 jyljymaly meditsinalyq keshen aýdandarǵa jetkizilýde. Naýqastardy der kezinde anyqtap, qyzmet kórsetý maqsatynda arnaiy ýchaskeler men mobildi toptar qurylǵan. Túrkistan oblysy Politsiia departamenti óńirdiń Bas sanitarlyq dárigeriniń oblysta qatań karantindik shekteý sharalaryn engizý qaýlysyna sáikes kúsheitilgen túrde jumystar atqarýda.
Aýyl sharýashylyǵy – jalpy óńirlik ónimniń 20% quraityn oblystyń basymdy salasy. Jergilikti kókónis, baqsha, jemis-jidek, et, sút ónimderimen óńir turǵyndary artyǵymen qamtamasyz etiledi. Al qus eti jáne jumyrtqamen qamtamasyz etý kólemi ortasha 35% quraidy. Halyqqa jergilikti ónimderdiń qoljetimdiligin arttyrý baǵytyndaǵy jumystar turaqty baqylaýda jáne áleýmettik mańyzy bar azyq-túlik taýarlarynyń baǵasyn negizsiz ósirmeý boiynsha tiisti sharalar atqarylýda.
