تٷركٸستان وبلىسىنىڭ كوروناۆيرۋس ينفەكتسيياسىنىڭ ەكٸنشٸ تولقىنىنا دايىندىق بارىسى, پارتيياٸشٸلٸك پرايمەريزدٸڭ نەتيجەلەرٸ, تۇراقتاندىرۋ قورىنىڭ ازىق-تٷلٸك تاۋارلارى باعاسىنىڭ ٶسۋٸنە جول بەرمەۋگە ەسەرٸ جەنە تٷركٸستان اينالاسىنداعى «جاسىل بەلدەۋدٸ» دامىتۋ مەسەلەلەرٸ ٶڭٸر ەكٸمٸ ٶمٸرزاق شٶكەەۆتٸڭ تٶراعالىعىمەن ٶتكەن لەزدەمەلٸك مەجٸلٸستە قارالدى, دەپ حابارلايدى "ۇلت اقپارات".
اپپارات وتىرىسىندا «Nur Otan» پارتيياسى تٷركٸستان وبلىستىق فيليالى تٶراعاسىنىڭ بٸرٸنشٸ ورىنباسارى بەيسەن تەجٸباەۆ پارتيياٸشٸلٸك پرايمەريز قوعامدا قىزۋ قولداۋ تاپقانىن باياندادى. ٸرٸكتەۋگە 1074 ادام تٷسكەن. 1-4 قازان ارالىعىندا ٶتكەن داۋىس بەرۋگە 245 باستاۋىش پارتييا ۇيىمىنان 78 262 ادامنىڭ 72 973-ٸ قاتىستى. وبلىستىڭ اۋدان, قالالارىندا اشىلعان 209 داۋىس بەرۋ ورىندارىندا كارانتين تالاپتارى قاتاڭ ساقتالدى.
تٷركٸستان وبلىسىندا كوروناۆيرۋستىڭ ەكٸنشٸ تولقىنىنا دايىندىق كٷشەيدٸ. ٸندەت قايتا بەلەڭ العان جاعدايدا دەرٸ تاپشىلىعى بولماس ٷشٸن ەكٸ ايلىق قور جينالىپ, وبلىس اۋرۋحانالارى تىنىس الۋ اپپاراتتارىمەن قامتىلۋدا. قوسىمشا تٶسەك-ورىندار قاجەت بولعان جاعدايدا ونىڭ سانى 5,5 مىڭعا دەيٸن جەتكٸزٸلەدٸ. وبلىس باسشىسىنىڭ تاپسىرماسىمەن اۋداندىق اۋرۋحانالار كومپيۋتەرلٸك توموگرافتارمەن, پتر زەرتحانالارىمەن جەنە تسيفرلىق رەنتگەندەرمەن جابدىقتالدى. ٶكپەنٸ جاساندى جەلدەتۋ اپپاراتتارى مەن وتتەگٸ كونتسەنتراتتارى دا ەر اۋدانداعى ەمدەۋ مەكەمەلەرٸنە تاراتىلعان. 12 جىلجىمالى مەديتسينالىق كەشەن اۋداندارعا جەتكٸزٸلۋدە. ناۋقاستاردى دەر كەزٸندە انىقتاپ, قىزمەت كٶرسەتۋ ماقساتىندا ارنايى ۋچاسكەلەر مەن موبيلدٸ توپتار قۇرىلعان. تٷركٸستان وبلىسى پوليتسييا دەپارتامەنتٸ ٶڭٸردٸڭ باس سانيتارلىق دەرٸگەرٸنٸڭ وبلىستا قاتاڭ كارانتيندٸك شەكتەۋ شارالارىن ەنگٸزۋ قاۋلىسىنا سەيكەس كٷشەيتٸلگەن تٷردە جۇمىستار اتقارۋدا.
اۋىل شارۋاشىلىعى – جالپى ٶڭٸرلٸك ٶنٸمنٸڭ 20% قۇرايتىن وبلىستىڭ باسىمدى سالاسى. جەرگٸلٸكتٸ كٶكٶنٸس, باقشا, جەمٸس-جيدەك, ەت, سٷت ٶنٸمدەرٸمەن ٶڭٸر تۇرعىندارى ارتىعىمەن قامتاماسىز ەتٸلەدٸ. ال قۇس ەتٸ جەنە جۇمىرتقامەن قامتاماسىز ەتۋ كٶلەمٸ ورتاشا 35% قۇرايدى. حالىققا جەرگٸلٸكتٸ ٶنٸمدەردٸڭ قولجەتٸمدٸلٸگٸن ارتتىرۋ باعىتىنداعى جۇمىستار تۇراقتى باقىلاۋدا جەنە ەلەۋمەتتٸك ماڭىزى بار ازىق-تٷلٸك تاۋارلارىنىڭ باعاسىن نەگٸزسٸز ٶسٸرمەۋ بويىنشا تيٸستٸ شارالار اتقارىلۋدا.
