Túrkistan oblysy, Kentaý qalalyq ortalyq aýrýhanasynda qaýipti indetten aiyqqan naýqastar sany artýda. Pandemiia bastalǵaly aýrýhanaǵa koronavirýs infektsiiasyn juqtyrǵan 495 adam jatqyzylsa, olardyń 80 paiyzy dertinen aiyqqan, dep habarlaidy "Ult aqparat".
Oblystyq qoǵamdyq densaýlyq basqarmasynyń málimetinshe, Kentaýdaǵy infektsiialyq ortalyqta búginde 68 naýqas em qabyldaýda. Qalada COVID-19 indetimen qatar pnevmoniiaǵa shaldyqqan naýqastar da emdelip shyǵya jatyr
Osyndai diagnozben 14 shilde kúni ortalyqqa túsken Roza Alieva búginde ózin jaqsy sezinetinin aitady. Eki jaqty ókpeniń qabynýy men pnevmoniia diagnozy qoiylǵan naýqas dárigerlerge ystyq yqylasyn bildirýde. 53 jastaǵy áiel qazirgi ýaqytta dárigerlerdiń qatań baqylaýyna alynǵan. Dertinen tolyq aiyqqan sátte úiine shyǵarylatyn bolady.
«Men shyn nietimmen aýrýhananyń barlyq meditsina qyzmetkerlerine alǵys aitqym keledi. Óitkeni aýrýhanaǵa men óte aýyr halde tústim. Tynys ala almastan, baqilyq bolyp ketemin ba degen de oilar boldy. Biraq mundaǵy dárigerler men medbikeler der kezinde em kórsetýiniń arqasynda betim beri qarap, jazylyp shyqtym. Qazir ózdigimnen turyp, tynys alyp jatyrmyn. Rizamyn bul jandarǵa», - deidi Roza Alieva.
Al, Otyrar aýdandyq ortalyq aýrýhanasynda provizorly 60 oryn bar. Qazirgi ýaqytta onyń 36-sy bos. Kelgen naýqastardyń barlyǵy dárigerlerdiń jiti qadaǵalaýynda bolady. Tiisti emdik sharalar qoldanyp, barlyq dárilik zattarmen tolyq qamtamasyz etilýde. Naýqastardyń biri Qoǵaly aýylynyń turǵyny Amanqyz Erdanova shilde aiynyń 4 kúni aýyr hálde jedel-járdemmen osynda jetkizilgen. Oǵan dárigerler eki ókpeniń tómengi bóliktik pnevmoniiasy diagnozyn qoiǵan. Tynys alý shamasyzdyǵy ekinshi dárejeli naýqastyń qosymsha sozylmaly virýsty gepatiti de bolǵan. Zeinetkerge qajetti emdeý protsessi jasaldy. Nátijesinde 73 jastaǵy naýqas tolyǵymen dertinen saýyǵyp, úiine shyǵaryldy. Qazirgi tańda ájei úiinde bolǵanymen, dárigerlerdiń baqylaýynan tys qalǵan emes. Osyndai adal eńbekteri úshin zeinet jasyndaǵy qariia aq halatty abzal jandarǵa shynaiy alǵysyn bildirdi.
«Infektsiialyq aýrýhanaǵa túsken kezde jaǵdaiym tym nashar bolatyn. Ondaǵy dárigerler meni jaqsy qabyldap alyp, 14 kún em qabyldap shyqtym. Biraq kúnnen keiin densaýlyǵym da, tynys alýym da jaqsara bastady. Osy aq halatty abzal jandardyń arqasynda aman qaldym dep aitqym keledi. Dári-dármek te, em de berdi. Sonyń arqasynda jaǵjaiym jaqsy», - deidi zeinetker.
