تٷركٸستان وبلىسى, كەنتاۋ قالالىق ورتالىق اۋرۋحاناسىندا قاۋٸپتٸ ٸندەتتەن ايىققان ناۋقاستار سانى ارتۋدا. پاندەمييا باستالعالى اۋرۋحاناعا كوروناۆيرۋس ينفەكتسيياسىن جۇقتىرعان 495 ادام جاتقىزىلسا, ولاردىڭ 80 پايىزى دەرتٸنەن ايىققان, دەپ حابارلايدى "ۇلت اقپارات".
وبلىستىق قوعامدىق دەنساۋلىق باسقارماسىنىڭ مەلٸمەتٸنشە, كەنتاۋداعى ينفەكتسييالىق ورتالىقتا بٷگٸندە 68 ناۋقاس ەم قابىلداۋدا. قالادا COVID-19 ٸندەتٸمەن قاتار پنەۆمونيياعا شالدىققان ناۋقاستار دا ەمدەلٸپ شىعىا جاتىر
وسىنداي دياگنوزبەن 14 شٸلدە كٷنٸ ورتالىققا تٷسكەن روزا اليەۆا بٷگٸندە ٶزٸن جاقسى سەزٸنەتٸنٸن ايتادى. ەكٸ جاقتى ٶكپەنٸڭ قابىنۋى مەن پنەۆمونييا دياگنوزى قويىلعان ناۋقاس دەرٸگەرلەرگە ىستىق ىقىلاسىن بٸلدٸرۋدە. 53 جاستاعى ەيەل قازٸرگٸ ۋاقىتتا دەرٸگەرلەردٸڭ قاتاڭ باقىلاۋىنا الىنعان. دەرتٸنەن تولىق ايىققان سەتتە ٷيٸنە شىعارىلاتىن بولادى.
«مەن شىن نيەتٸممەن اۋرۋحانانىڭ بارلىق مەديتسينا قىزمەتكەرلەرٸنە العىس ايتقىم كەلەدٸ. ٶيتكەنٸ اۋرۋحاناعا مەن ٶتە اۋىر حالدە تٷستٸم. تىنىس الا الماستان, باقيلىق بولىپ كەتەمٸن با دەگەن دە ويلار بولدى. بٸراق مۇنداعى دەرٸگەرلەر مەن مەدبيكەلەر دەر كەزٸندە ەم كٶرسەتۋٸنٸڭ ارقاسىندا بەتٸم بەرٸ قاراپ, جازىلىپ شىقتىم. قازٸر ٶزدٸگٸمنەن تۇرىپ, تىنىس الىپ جاتىرمىن. ريزامىن بۇل جاندارعا», - دەيدٸ روزا اليەۆا.
ال, وتىرار اۋداندىق ورتالىق اۋرۋحاناسىندا پروۆيزورلى 60 ورىن بار. قازٸرگٸ ۋاقىتتا ونىڭ 36-سى بوس. كەلگەن ناۋقاستاردىڭ بارلىعى دەرٸگەرلەردٸڭ جٸتٸ قاداعالاۋىندا بولادى. تيٸستٸ ەمدٸك شارالار قولدانىپ, بارلىق دەرٸلٸك زاتتارمەن تولىق قامتاماسىز ەتٸلۋدە. ناۋقاستاردىڭ بٸرٸ قوعالى اۋىلىنىڭ تۇرعىنى امانقىز ەردانوۆا شٸلدە ايىنىڭ 4 كٷنٸ اۋىر حەلدە جەدەل-جەردەممەن وسىندا جەتكٸزٸلگەن. وعان دەرٸگەرلەر ەكٸ ٶكپەنٸڭ تٶمەنگٸ بٶلٸكتٸك پنەۆمونيياسى دياگنوزىن قويعان. تىنىس الۋ شاماسىزدىعى ەكٸنشٸ دەرەجەلٸ ناۋقاستىڭ قوسىمشا سوزىلمالى ۆيرۋستى گەپاتيتٸ دە بولعان. زەينەتكەرگە قاجەتتٸ ەمدەۋ پروتسەسسٸ جاسالدى. نەتيجەسٸندە 73 جاستاعى ناۋقاس تولىعىمەن دەرتٸنەن ساۋىعىپ, ٷيٸنە شىعارىلدى. قازٸرگٸ تاڭدا ەجەي ٷيٸندە بولعانىمەن, دەرٸگەرلەردٸڭ باقىلاۋىنان تىس قالعان ەمەس. وسىنداي ادال ەڭبەكتەرٸ ٷشٸن زەينەت جاسىنداعى قارييا اق حالاتتى ابزال جاندارعا شىنايى العىسىن بٸلدٸردٸ.
«ينفەكتسييالىق اۋرۋحاناعا تٷسكەن كەزدە جاعدايىم تىم ناشار بولاتىن. ونداعى دەرٸگەرلەر مەنٸ جاقسى قابىلداپ الىپ, 14 كٷن ەم قابىلداپ شىقتىم. بٸراق كٷننەن كەيٸن دەنساۋلىعىم دا, تىنىس الۋىم دا جاقسارا باستادى. وسى اق حالاتتى ابزال جانداردىڭ ارقاسىندا امان قالدىم دەپ ايتقىم كەلەدٸ. دەرٸ-دەرمەك تە, ەم دە بەردٸ. سونىڭ ارقاسىندا جاعجايىم جاقسى», - دەيدٸ زەينەتكەر.
