Túrkistan oblysynyń politseileri karantinge qaramastan kókpar ótkizgen turǵyndy anyqtady, dep habarlaidy "Ult aqparat".
Túrkistan oblysy bas sanitar dárigeriniń qaýlysyna sáikes oblys boiynsha karantin rejimin saqtaý, iaǵni betperde taǵyp júrý, araqashyqty saqtaý mindettelgen.
Búgingi tańda osy talaptardyń oryndalýy tiisti organdardyń qatań baqylaýynda. Onyń ishinde Túrkistan oblysy politsiia departamentiniń qyzmetkerleri arnaiy qurylǵan mobildi toptarmen birge júieli jumys júrgizýde.
Mysaly, Tólebi aýdanynyń politseileri karantin rejimi men sanitarlyq-epidemiologiialyq normalardy buza otyryp, ótkizilip jatqan kókpardy anyqtady.
Tekserý kezinde jergilikti turǵynnyń Alataý aýyldyq okrýgi aýmaǵynda 100-ge jýyq adamnyń basyn qosyp, kókpar jasaǵany belgili boldy.
Mobildi top birden shoǵyrlanǵan adamdar tobyn tarqatyp, olarǵa karantin talaptaryn buzbaý kerektigin túsindirdi.
Sondai-aq kókpar uiymdastyrýshysyn jaýapqa tartty.
Oǵan qatysty QR ÁQBtK 425-baby boiynsha is-qujattary jinaqtalyp, SES-ke joldandy. Turǵynǵa 30 AEK kóleminde aiyppul salyndy.
