Foto: Gov.kz
Túrkistan oblysynda halyqty jergilikti azyq-túlik ónimderimen qamtamasyz etý maqsatynda 100-ge jýyq aýyl sharýashylyǵy taýaryn óndirýshimen niet sharty jasaldy. Jaýaptylar forvardtyq kelisimshart jasasýdyń tiimdi tustaryn aityp berdi, dep habarlaidy «Ult aqparat».
Túrkistan oblysynda aýyl sharýashylyǵy taýaryn óndirýshilermen erte pisetin kókónisterdi satyp alý boiynsha jiyn ótti. Kezdesýde forvardtyq kelisimshart jasasýdyń tiimdi tustary talqylandy.
Shaimerden Ahmetov, aýyl sharýashylyǵy ónimderin qaita óńdeý departamenti direktorynyń orynbasary: «Sharýaǵa aldyn ala qarajat tólenedi. Sosyn sharýa sol qarajatty paidalanady. Nesie alyp, paiyzyn tólep jatpaidy. Sol qarajatty alyp, ónimdi óndirip, sodan keiin shyǵarǵan ónimin naqty jetkizetin orny bar. Satýshyny izdep otyrmaidy. Qarajat ta arzan kelip otyr, ótkizý naryǵy da belgili bolyp otyr. Sondyqtan osyndai shartpen jasasaq degen usynysymyz bar».
Kezdesýde jaýapty basqarma basshylarymen qatar, Túrkistan oblysynda erte pisetin kókónisterdi egetin óńir sharýalary bas qosty. Jiynda elimizdiń barlyq aimaǵynda áleýmettik mańyzy bar ónimderdiń tiimti baǵada satylýyn qamtamasyz etý máselesi de kóterildi.
Nurbek Badyraqov, Túrkistan oblystyq Aýyl sharýashylyǵy basqarmasynyń basshysy: «Keler jyldyń ózinde aldyn ala boljamdyq esep boiynsha, 200 tonna qyryqqabat, 40 myń tonnaǵa jýyq sábiz, 20 myń tonna piiaz, 150 myń tonna kartop erte pisetin ónimdermen egis qurylymyn bekitip otyrmyz. Bul óz kezeginde kóktemniń erte mezgilderinde soltústik óńirlerde, elimizdiń barlyq óńirlerinde áleýmettik mańyzy bar ónimderdiń tiimdi baǵada satylýyn qamtamasyz etýge qol jetkiziledi».
Jiyn barysynda halyqty jergilikti azyq-túlik ónimderimen qamtamasyz etý maqsatynda 100-ge jýyq aýyl sharýashylyǵy taýaryn óndirýshimen niet sharty jasaldy.
